«Ուժեղ Հայաստան»-ի ուժի ցուցադրությունը․ քաղաքական նոր փուլ, թվային ուղերձ և իշխանական խուճապ․ «Փաստ»

13 Փետրվարի, 2026

«Փաստ» թերթը գրում է․ «Երեկ Ուժեղ Հայաստան կուսակցության պաշտոնական շնորհանդեսը ոչ միայն կազմակերպչածթկան առումով տպավորիչ էր, այլև քաղաքական իմաստով՝ խորհրդանշական։ Միջոցառումը տեղի ունեցավ Կարեն Դեմիրճյանի անվան մարզահամերգային համալիրի լեփ լեցուն դահլիճում։

Ակնհայտ էր՝ ձևավորվում է մի ուժ, որը հավակնում է դառնալ ոչ թե հերթական ընդդիմադիր նախագիծ, այլ համակարգային այլընտրանք։

Շնորհանդեսի առանցքային ուղերձը պարզ էր․ կուսակցությունը փորձում է ներկայանալ որպես երրորդ ճանապարհ՝ հեռու թե՛ նախկին իշխանությունների բեռից, թե՛ գործող իշխանության ձախողումներից։ Կուսակցության նախագահ ընտրված Սամվել Կարապետյանը հանդես եկավ ոչ միայն քաղաքական, այլև արժեքային օրակարգով՝ շեշտադրելով տնտեսական վերականգնումը, աշխատատեղերի ստեղծումը, փոքր բիզնեսի ազատագրումը հարկային ճնշումներից և սոցիալական արդարության վերականգնումը։

Այս ձևակերպումները նոր չեն հայկական քաղաքական դաշտում, սակայն դրանց մատուցման ձևը տարբերվում էր․ խոսքը կառուցված էր ոչ թե հակադրության, այլ լուծումների տրամաբանությամբ։

Երեկվա ամենաքննարկվող դրվագը Սամվել Կարապետյանի արհեստական բանականությամբ պատրաստված ուղերձն էր։

Սա առաջին դեպքն էր հայաստանյան քաղաքական իրականության մեջ, երբ թվային տեխնոլոգիան կիրառվեց ոչ թե զուտ դիզայներական նպատակներով, այլ որպես հաղորդակցության այլընտրանքային գործիք։ Համաշխարհային պատմության մեջ սա առաջին արհեստական բանականությամբ ստեղծված քաղաքական ելույթն էր։

Թվային դարաշրջանում սա լավ մեսիջ էր երիտասարդ ընտրազանգվածին և բիզնես համայնքին։

Միջոցառումից գրեթե անմիջապես հետո սոցիալական հարթակներում սկսվեցին իշխանական շրջանակների խուճապահար գրառումները։ Նրանք ակամա ընդունում էին, որ դաշտում ձևավորվում է ռեսուրսային և կազմակերպչական լուրջ խաղացող։

Խուճապի գլխավոր պատճառը, ըստ քաղաքական դիտորդների, երեք գործոնն է մարդկային ռեսուրսների մեծ մասնակցությունը, կազմակերպչական բարձր մակարդակը, տնտեսական օրակարգի հստակությունը։

Իշխանությունը սովոր է աշխատել բևեռացված միջավայրում՝ «նախկիններ» ընդդեմ «ներկաների» տրամաբանությամբ։ «Ուժեղ Հայաստան»-ը փորձում է կոտրել այդ մոդելը՝ առաջարկելով նոր հարթություն։ Իսկ ցանկացած նոր հարթություն գործող համակարգի համար մահացու ռիսկ է։

Հայաստանի քաղաքական իրականությունը վերջին տարիներին եղել է բարձր լարվածության և ցածր վստահության փուլում։ Հանրության մի զգալի հատված հիասթափված է թե՛ իշխանությունից, թե՛ ավանդական ընդդիմությունից։

Այս պայմաններում նոր ուժի հայտնվելը, որն ունի մարզային, կազմակերպչական և հաղորդակցական ահռելի ռեսուրս, կարող է փոխել ուժերի հարաբերակցությունը առաջիկա ընտրական գործընթացներում։

Երեկվա շնորհանդեսը պարզապես քաղաքական միջոցառում չէր։ Այն ուժի ցուցադրություն էր՝ կազմակերպչական, գաղափարական և տեխնոլոգիական մակարդակներում։

Սամվել Կարապետյանի արհեստական բանականությամբ ուղերձը դարձավ խորհրդանիշ՝ ցույց տալով, որ քաղաքական պայքարը տեղափոխվում է նոր հարթություն։ Իսկ իշխանական խուճապահար արձագանքները փաստում են մեկ բան․ քաղաքական դաշտում սկսվում է վերադասավորում։

«Ուժեղ Հայաստան»-ը երեկ հայտարարեց իր գոյության մասին ոչ միայն խոսքով, այլ՝ մասշտաբով։ Իսկ հայաստանյան քաղաքական իրականության մեջ մասշտաբը հաճախ արդեն կես հաղթանակ է»։

Մանրամասն՝ թերթի այսօրվա համարում։

Նմանատիպ նյութեր

Արմավիրի մարզից 3 հոգի սուր կտրnղ-ծակnղ առարկայից ստացած հարվածներից տեղափոխվել են հիվանդանոց

Արմավիրի մարզից 3 հոգի սուր կտրnղ-ծակnղ առարկայից ստացած հարվածներից տեղափոխվել են հիվանդանոց

Երեկ՝ նոյեմբերի 16-ին, արտակարգ դեպք է տեղի ունեցել Արմավիրի մարզում։ Ժամը 07։20-ի սահմաններում ՀՀ ներքին գործերի նախարարության ոստիկանության քրեական ոստիկանության գլխավոր վարչության Արմավիրի մարզային վարչությունում օպերատիվ տեղեկություններ են ստացվել, որ «Վաղարշապատ»...

Իրանը հայտարարել է Հայաստանում նավթավերամշակման գործարանի կառուցմանը մասնակցելու պատրաստակամության մասին

Իրանը հայտարարել է Հայաստանում նավթավերամշակման գործարանի կառուցմանը մասնակցելու պատրաստակամության մասին

  Իրանի նավթի նախարարի պաշտոնակատար Համիդ Բովարդը հայտարարել է, որ Թեհրանը պատրաստ է մասնակցել Հայաստանում էներգետիկ խոշոր ծրագրերի իրականացմանը։ Մասնավորապես, Իրանը պատրաստ է օգտագործել իր տեխնիկական և ինժեներական հնարավորությունները Հայաստանում նավթավերամշակման...

Քոչարյանին կալանավորելուց հետո սկսվեց ազգային արժեքների կազմաքանդումը․ Անուշ Առաքելյան

Քոչարյանին կալանավորելուց հետո սկսվեց ազգային արժեքների կազմաքանդումը․ Անուշ Առաքելյան

«Հայաստան» դաշինքի անդամ Անուշ Առաքելյանը ֆեյսբուքյան իր էջում գրում է․ Երեկ մասնակցում էի Հայաստան խմբակցության կողմից կազմակերպված ԱԺ լսումներին։ Լուռ հետևում էի ելույթները։ Խոսվեց քաղբանտարկյալների, հետապնդումների ու հալածանքների մասին։ Այո, 2018 թվականից...

Ռուբինյանի խոսքը բացահայտում է նրա վերաբերմունքը սեփական արժանապատվության հանդեպ. Տեր Մանուկ քահանա

Ռուբինյանի խոսքը բացահայտում է նրա վերաբերմունքը սեփական արժանապատվության հանդեպ. Տեր Մանուկ քահանա

Տեր Մանուկ քահանա Զեյնալյանը գրել է․ «Անդրադառնալով Ազգային Ժողովի նախագահի փողոցային խոսույթին… Ռուբինյա՛ն, քաղաքական բանավեճը փողոցային արտահայտություններով մի՛ փոխարինեք։ Ձեր պաշտոնը Ձեզ պարտավորեցնում է բարձրացնել խոսքի մակարդակը, ոչ թե իջեցնել այն։ Ամենայն Հայոց...

Նոյեմբերյանի և Բերդի ճանապարհներին մառախուղ է

Նոյեմբերյանի և Բերդի ճանապարհներին մառախուղ է

Նոյեմբերի 16-ին՝ ժամը 20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է, տեսանելիությունը՝ 50-80 մետր։ Հայտնում են Ճանապարհային դեպարտամենտից։ Միջպետական և հանրապետական նշանակության բոլոր ավտոճանապարհները բաց...