Մենք պետք է արձանագրենք, որ մենք որպես պետություն և որպես հանրություն մենք չգիտենք, թե ինչ բան է ապրել խաղաղության մեջ, խաղաղության պայմաններում։ Այս մասին Կառավարության նիստի ընթացքում հայտարարեց Նիկոլ Փաշինյանը։
«Մենք նոր-նոր, քայլ-քայլ սովորում ենք, և այդ պրոցեսը չափազանց կարևոր է, և մենք էլ նույնիսկ մեր լեզվամտածողության կամ մեր արտահայտչաձևերում հաճախ չենք նկատում կոնֆլիկտի տրամաբանության շատ ընդլայնված ներկայությունը և շատ փոքր և դանդաղ քայլերով է խաղաղությունը մուտք գործում մեր գիտակցություն և ենթագիտակցություն և սա նորմալ է։
Մենք պետք է հակամարտության տրամաբանությունից դուրս գանք և գանք արդեն նորմալ խաղաղությանը հարիր մթնոլորտի և տրամաբանության։ Պետք է ընդգծենք, որ դա ո՛չ Հայաստանում, ո՛չ Ադրբեջանում միանշանակ շատ արագ չի լինելու, որովհետև նույն բենզինի ներկրման հետ կապված, որ Հայաստանում ասում են, որ գումարները ուղարկում ենք Ադրբեջան, որպեսզի նրանք այդ գումարներով Հայաստանի վրա հարձակվեն: Նույն խոսույթը Ադրբեջանում կա: Ես գիտեմ, տեսնում եմ, նաև տեղեկանքներում եմ տեսնում, որ մեկնաբանություններ կան, որ Ադրբեջանը դիզվառելիքը և բենզինը ուղարկում է Հայաստան, որ այստեղ տանկերը և մնացած զինտեխնիկան լիցքավորեն և հարձակվեն Ադրբեջանի վրա, բայց մենք պետք է արձանագրենք, որ թե՛ Հայաստանի, թե՛ Ադրբեջանի դեպքում դա արդեն խոսույթ է, որը այսօրվա իրողությունների հետ չի համադրվում»,- ասաց նա։
Մանրամասն՝ տեսանյութում։
