Մեծ Բրիտանիայի կառավարությունը հրադադարից հետո Ուկրաինա զորքեր ուղարկելու հարցը կդնի խորհրդարանական քվեարկության։ Այս մասին հայտարարել է վարչապետ Քիր Սթարմերը Համայնքների պալատում` ТАСС-ի փոխանցմամբ։

«Նախագահ Մակրոնի և նախագահ Զելենսկու հետ միասին մենք համաձայնության ենք եկել խաղաղության համաձայնագրի դեպքում զորքեր տեղակայելու մտադրության մասին հայտարարության շուրջ։ Մանրամասները մենք հնարավորինս շուտ կհայտարարենք առանձին հայտարարությամբ։ Ես կտեղեկացնեմ զարգացումների մասին՝ հաշվի առնելով, որ իրավիճակը զարգանում է։ Եթե զորքերը տեղակայվեն ստորագրված հայտարարության համաձայն, ես հարցը կդնեմ Համայնքների պալատի քվեարկության», — ասել է Սթարմերը։