Այս գործընթացը այսօրվա նիստով չի ավարտվում։ Այս մասին, ՀԾԿ հանձնաժողովի նիստից հետո, որում որոշվեց ՀԷՑ–ին զրկել լիցենզիայից, լրագրողների հետ հանդիպման ժամանակ նշեց հանձնաժողովի նախագահ Մեսրոպ Մեսրոպյանը։
«Ենթադրում եմ, որ կողմերը կփորձեն իրենց իրավունքները պաշտպանել այլ ատյաններում և, հետևաբար, պրոցեսը դեռ ունի շարունակություն։ Պրոցեսը ունի շարունակություն նաև այն իմաստով, որ այսօրվա նիստի որոշմամբ մենք ընդամենը դադարեցրեցինք ՀԷՑ ՓԲԸ-ի լիցենզիան։
Օրենսդրությամբ դրան հետևում են գործընթացներ. առաջիկա երեք ամիսներին պետությունը սեփականատիրոջ, կամ ՓԲԸ–ի տնօրենների խորհրդի հետ կսկսի բանակցել գույքի սեփականության իրավունքի փոխանցման վերաբերյալ։ Եթե այդ երեք ամսում կողմերը չգան համաձայնությասն, ապա պետությունը դրանից հետո կարող է գերակա շահի իրավունքով վերցնել այդ սեփականության իրավունքը։ Թե ինչպես կզարգանան այս նախանշված փուլերը, ժամանակը ցույց կտա»,- ասաց նա։
Մանրամասն՝ տեսանյութում։
