1979 թվականի նոյեմբերի 4-ին Այաթոլլահ Խոմեյնիին աջակցող ուսանողների մի խումբ ներխուժել էր դեսպանատան շենք և պատանդ վերցրել 66 ամերիկացի դիվանագետի։ Զինված գործողության միջոցով նրանց ազատելու փորձը ձախողվեց։ 66 պատանդներից 52-ը ազատ արձակվեցին ընդամենը 444 օր անց՝ Ռոնալդ Ռեյգանի երդմնակալության օրը՝ 1981 թվականի հունվարի 20-ին, բանակցություններից հետո։
Այս իրադարձությունները, որոնք հայտնի են որպես «Իրանի պատանդների ճգնաժամ», տեղի են ունեցել Իսլամական հեղափոխության ֆոնին և դարձել են Իրանում ամերիկյան ազդեցությանը դիմադրության խորհրդանիշ։
Իսլամական Հանրապետությունում այս օրն ամեն տարի նշվում է որպես «Լրտեսական որջի գրավման օր» կամ «Երկրորդ հեղափոխություն»՝ հանրահավաքներով, հակաամերիկյան կարգախոսներով և ցուցահանդեսներով, որոնք խորհրդանշում են «Հաղթանակը մեծ Սատանայի՝ Ամերիկայի նկատմամբ»։
