«Ամենայն պատասխանատվությամբ հայտարարում եմ, որ ո՛չ ես, ո՛չ իմ թիմը, ո՛չ իմ ընկերները այնպիսի բան չենք արել, որի համար մեր գլուխը կախենք վաղարշապատցիների առաջ»,- Վաղարշապատում նախընտրական քարոզարշավի ժամանակ ասաց «Հաղթանակ» դաշինքի՝ Վաղարշապատի համայնքապետի թեկնածու Սևակ Խաչատրյանը։
Հարցին, թե ինչո՞ւ չմասնակցեց հանրային հեռուստաընկերության կազմակերպած բանավեճին, Սևակ Խաչատրյանը պատասխանեց․ «Ինչի՞ն մասնակցեի․ ոչ մի գյուղացու հարցից չխոսեցվեց․ ամենամեծ պրոբլեմները՝ արցախյան մեծ համայնք կա, ոչ մի արցախցու հարցի մասին չխոսվեց, ազգային փոքրամասնությունների մասին չխոսեցվեց, մեծ եզդիական համայնք ունենք։ Այսինքն՝ ինչի մասին պետք էր խոսել, չխոսվեց։ Պարզապես ՀՀ օրենքներն էր էսօրվա ժամանակավոր պաշտոնակատարը Հ1-ով ցիտում։ Էդ օրենքը բոլորը գիտեն։ Թիմը, համայնքապետարանը նրա համար է, որ կարողանա այդ օրենքներն օգտագործելով, ճիշտ օգտագործելով մարդկանց կյանքը սարքել բարեկեցիկ, ավելի հեշտ։ Մեր նպատակը դա՛ է լինելու։ Էնտեղ մարդիկ կան, որոնց հետ բանավիճելու ոչինչ չունեմ»։
Հիշեցնենք, որ Սևակ Խաչատրյանը հրաժարվել էր մասնակցել Վաղարշապատի համայնքի ընտրություններում առաջադրված ուժերի առաջին համարների բանավեճին՝ հիմնավորելով, որ այդ բանավեճը հանրությանը ոչինչ չի տալու։
Մանրամասն՝ տեսանյութում։
