Փաստաբան Արսեն Բաբայանը գրում է․
«Կարդացի Սահմանադրությամբ տրված երդումը դրժած վարչապետ Նիկոլ Փաշինյանի հակաեկեղեցական, եկեղեցու ոչնչացման ծրագիրը:
Նիկոլին դեռեւս 2009-ից անձամբ ճանաչելով վստահաբար պնդում եմ, որ ինքը չի համապատասխանում իր սահմանած չափանիշներին եւ ի բնե հնարավորություն էլ չունի երբեւէ համապատասխանելու: Այդ մարդը երբեք չի հավատացել Աստծուն, հարցրեք նրան անձամբ ճանաչող եւ ձեր համար վստահելի մարդկանց ու նրանք սա կհաստատեն:
Նիկոլի այդ ծրագիրը եկեղեցու ամբողջ գործունեությանը, ներքին կառավարմանը միջամտելու հակասահմանադրական նպատակ է: Սահմանադրական կարգը տապալելու նախապատրաստություն:
Նիկոլի այս սատանայական շարժումը մեկ նպատակ ունի՝ 2026 թվականի ընտրություններում, 2018-ի ոգով, հեղափոխական քարոզարշավ: Քանի որ իշխանությունն ինքն է, ինքը փնտրել ու գտել է «իշխանություն», որը պետք է մերժի…
Բայց այստեղ համոզմունք ունեմ, որ չի ստացվելու: Սա 2018-ը չի, եկեղեցին էլ նախկին իշխանությունը չի…
Ինձ համար մեկ լրացուցիչ անգամ էլ հաստատվեց, որ եկեղեցու նկատմամբ ֆիզիկական հարձակումը շուտ չի լինելու»:
