Այսօր Ադրբեջանի կողմից օկուպացված Շուշիում մեկնարկում է «Թվային անցումներ. տեղեկատվության և լրատվամիջոցների դիմադրողականության ամրապնդում արհեստական բանականության դարաշրջանում» թեմայով III գլոբալ մեդիա ֆորումը։ Ըստ ադրբեջանական լրատվամիջոցների, ֆորումին կմասնակցեն 52 երկրներից մոտ 140 օտարերկրյա հյուրեր, այդ թվում՝ ավելի քան 30 լրատվական գործակալությունների, 7 միջազգային կազմակերպությունների, մոտ 80 մեդիա կառույցների, ինչպես նաև այլ մասնագիտացված հաստատությունների ներկայացուցիչներ։
Արդեն սկսվել է Ադրբեջանի նախագահ Իլհամ Ալիևի հանդիպումը Շուշիի III գլոբալ մեդիա ֆորումի մասնակիցների հետ։
