Հայ ազգը ոտքի է կանգնելու և այս իշխանություններին հեռացնելու է։ Այս մասին ՔԿ-ի մոտ լրագրողների հետ զրույցում նշեց ԱԺ «Հայաստան» խմբակցության պատգամավոր Արթուր Սարգսյանը։
«Մենք գործ ունենք բռնապետության հետ, բայց դա չպետք է հիասթափեցնի որևէ մեկին։ Սա իմ երկրորդ կալանքն է լինելու, ես չեմ հիասթափվել և կոչ եմ անում բոլոր մեր հայրենակիցներին համախմբված պայքարել։ Պայքարն է արդյունք ունենում առանց պայքարի արդյունք չկա։
Նիկոլ Փաշինյանին ճանաչելով ասեմ, որ առաջիկա օրերին ներխուժումը Էջմիածնի տարածք լինելու է։
Թե ինչ ձևով, թե ինչ են անելու, ում են ձերբակալելու՝ վստահաբար ասում եմ, որ ինքը դա անելու է։
Ես երբեք մեր ժողովրդին չեմ մեղադրել, ժողովուրդը ընդհանրապես մեղավոր չի։ Առաջնորդելու խնդիրն է, պահը կգա, մարդիկ կառաջնորդեն ու ամեն ինչ կընկնի իր տեղը։
Բնականաբար, ցանկացած պրոցես, եթե իր արդյունքին չի հասնում, սխալներ ունենում է, բայց դա չի նշանակում, որ չի կարելի պայքարը շարունակել։ Էդ սխալները հաշվի առնելով պետք է առաջ գնալ։ Մեր խնդիրն այն է, որ մենք հավասար դաշտում չենք։ Մենք բարոյականություն, նամուս, թասիբ ունեցող մարդիկ ենք, իսկ մեր դիմացինը դրանք չունի»,- նշեց նա։
Մանրամասն՝ տեսանյութում։
