Մենք շատ ենք բաժանված, մեկն ընդդիմադիր է, մեկը իշխանական է, մեկն արևմտամետ է, մեկը ռուսամետ է, մեկը՝ պահպանողական, մեկը՝ ազատական. այս ամենը նրա համար է, որ մեզ հեշտ կառավարեն, մեզ դրա համար են բաժանել։ Այս մասին այսօր «Ի պաշտպանություն Սամվել Կարապետյանի» կազմակերպված հավաքի ժամանակ իր խոսքում նշեց «Տաշիր» ընկերությունների խմբի փոխնախագահ, «ՀԷՑ» ՓԲԸ տնօրենների խորհրդի նախագահ Նարեկ Կարապետյանը։
«Միակ բաժանումը, որ պետք է լինի մեր մեջ, հետեւյալն է. մենք պետք է լինենք կառուցո՞ղ, թէ՞ քանդող։ Քանդողների փոքր խումբը ամեն կողմից էլ կարող է լինել, թե իշխանությունից, թե ընդդիմությունից, տարբեր ուղղություններից։ Մենք պետք է ուղղակի հաղթահարենք իրար դեմ գնալու, իրար մեջ խնդիր տեսնելու ձգտումը։ Այս հակադրությամբ են մեզ այսօր կառավարում օտար ուժերը։ Քանդողը նա է, ով միայն տեսնում է ուրիշների թերությունները, իսկ կառուցողները այն մարդիկ են, որոնք դիմացինի մեջ լավն են տեսնում։ Այն 80 տոկոս լավը հիմք է, որ կառուցենք նորմալ զարգացող հասարակություն։ Սամվել Կարապետյանը կառուցող մարդ է։ Քանդողները ապագա չունեն Հայաստանում, ապագան կառուցողներինն է»,- նշեց նա։
Մանրամասն՝ տեսանյութում։
