Ադրբեջանում գտնվող կամ դեպի Ադրբեջան ուղևորություն պլանավորող Ռուսաստանի Դաշնության քաղաքացիները պետք է հաշվի առնեն ստեղծված իրավիճակը, ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Իսկ նրանք, ովքեր մեզ հարցեր են ուղղում, թե արժե՞ արդյոք պլանավորել այցերը, ի՞նչ անել ու ինչպե՞ս վարվել՝ կապված նրա հետ, թե ինչ են ցուցադրում ադրբեջանական հեռուստաալիքները և ինչ են հաղորդում այդ երկրի ինֆորմացիոն գործակալությունները, ապա իհարկե՝ արժե։ Եթե ՌԴ քաղաքացիներ են գտնվում Ադրբեջանում, եթե ՌԴ քաղաքացիներ կան, որոնք պատրաստվում են այնտեղ ուղևորվել, ապա իհարկե, ահրաժեշտ է մանրակրկիտ ուսումնասիրել ու հաշվի նստել ստեղծված իրավիճակի հետ։ Իրադարձությունների հետագա զարգացումների մասին մենք տեղյակ կպահենք»,- մասնավորապես, ասել է ՌԴ ԱԳՆ պաշտոնական ներկայացուցիչը։
Հիշեցնենք, որ ռուս-ադրբեջանական հարաբերությունները վերջին շրջանում լարվել են։ Ադրբեջանում՝ Ռուսաստանի քաղաքացիներ, Ռուսաստանում՝ ադրբեջանցիներ են ձերբակալվում։
