Քաղաքագետ Արա Պողոսյանը ներկայացրել է Իրանի Զինված ուժերի հայտարարությունը Կատարում ամերիկյան բազայի վրա հարվածից հետո.

-Պատվարժան և ամուր Իրանի ժողովուրդ,

ԱՄՆ-ի հանցավոր վարչակարգի կողմից Իսլամական Հանրապետության խաղաղ ատոմային օբյեկտների դեմ իրականացված բացահայտ ռազմական ագրեսիայի և միջազգային իրավունքի նորմերի կոպիտ խախտման պատասխանով՝ Ազգային անվտանգության բարձրագույն խորհրդի որոշմամբ և «Հաթամ ալ-Անբիա» կենտրոնական հրամանատարության (խաղաղություն նրան) ղեկավարությամբ, Իսլամական հեղափոխության պահապանների կորպուսը «Բեշարաթ ալ-Ֆաթհ» գործողության շրջանակում կատարեց հզոր և կործանարար հրթիռային հարված Կատարի Էլ-Ուդեյդ ռազմաբազայի վրա։ Այս բազան հանդիսանում է ԱՄՆ-ի ահաբեկչական բանակի ռազմաօդային ուժերի շտաբը և նրանց ռազմավարական կարևորագույն հենակետը Արևմտյան Ասիայում։

-Զինված ուժերում ծառայող ազգի զավակների վճռական գործողության ուղերձը հասցեագրված է Սպիտակ տանը և նրա դաշնակիցներին, և այն հստակ ասում է․

«Իսլամական Հանրապետության տարածքային ամբողջականության, ինքնիշխանության և ազգային անվտանգության նկատմամբ ցանկացած ոտնձգություն Իրանը երբեք չի թողնի անպատասխան՝ ապավինելով Ամենակարող Աստծուն և հենվելով իր հավատացյալ և փառահեղ ժողովրդին»։

-Ամերիկյան թշնամու այս ագրեսիան ևս մեկ անգամ ցույց տվեց, որ սիոնիստների չարամիտ գործողությունները հանդիսանում են ԱՄՆ-ի ծրագրերի շարունակությունը։ Այս համատեքստում հիշեցնում ենք․ տարածաշրջանում ԱՄՆ-ի ռազմաբազաները և շարժական թիրախները ուժի կետեր չեն, այլ այդ պատերազմամոլ վարչակարգի Աքիլլեսյան գարշապարը և նրա մեծագույն թուլությունը։

-Մուհառամ ամսվա՝ նահատակների տիրակալ իմամ Աբու Աբդալլահ ալ-Հուսեյնի (խաղաղություն նրան) սուգի ամսվա շեմին՝ մենք կրկին զգուշացնում ենք իսլամական Իրանի թշնամիներին․ անպատասխան հարվածների ժամանակաշրջանը ավարտված է։ Մեր ժողովրդի հզոր զինված ուժերի վճռականությունը նշանակում է, որ ցանկացած թշնամական գործողության կրկնություն կբերի ԱՄՆ-ի ռազմական ներկայության արագ փլուզման, Արևմտյան Ասիայից նրանց նվաստացուցիչ փախուստի, ինչպես նաև իսլամական ումմայի և աշխարհի բոլոր ազատատենչ ժողովուրդների ընդհանուր իդեալի իրականացման՝ սիոնիստական չարորակ ուռուցքի վերացման։