Իրանը մտադիր չէ կասեցնել միջուկային արդյունաբերության զարգացումը Իսլամական Հանրապետության մի շարք միջուկային օբյեկտների վրա հարվածներից հետո և ակնկալում է, որ միջազգային հանրությունը կդատապարտի այդ հարվածները, ասվում է Իրանի ատոմային էներգիայի կազմակերպության հայտարարության մեջ։
«Մենք ակնկալում ենք, որ միջազգային հանրությունը կդատապարտի ջունգլիների կանոնների վրա հիմնված անօրինականությունը և կաջակցի Իրանին իր օրինական իրավունքների իրացման հարցում:
Իրանի ատոմային էներգիայի կազմակերպությունը հավաստիացնում է իրանական մեծ ազգին, որ չնայած իր թշնամիների չարագործ դավադրություններին, իր հազարավոր գիտնականների ջանքերով թույլ չի տա ազգային միջուկային արդյունաբերության զարգացման դադարեցումը»,- ասվում է կազմակերպության Telegram ալիքում հրապարակված հայտարարության մեջ:
