Ռուսաստանի Դաշնությունը ուրախ է վերսկսել քաղաքական երկխոսությունը Հայաստանի հետ խորհրդարանական մակարդակով։ Այս մասին հայտնել է ՌԴ Դաշնային խորհրդի նախագահ Վալենտինա Մատվիենկոն՝ Երևանում կայացած Հայ-ռուսական միջխորհրդարանական հանձնաժողովի նիստին։
«Ռուսաստանը շահագրգռված է զարգացնելու և ընդլայնելու Հայաստանի հետ բազմակողմանի համագործակցությունը։ Այսօր մենք բնական դաշնակիցներ ենք։ Մենք ռազմավարական գործընկերներ ենք»,- ասել է Մատվիենկոն:
ՌԴ վերին պալատի նախագահը նշեց, որ 2025 թվականը ֆաշիզմի դեմ պայքարի 80 ամյակն է, որը խորհրդային միության բոլոր ժողովուրդների հաղթանակն է և, շնորհավորելով այդ կապակցությամբ, հիշեցրեց, որ մոտ 600 հազար հայ է մասնակցել Հայրենական մեծ պատերզմին, տվել 100-ից ավել հերոս, 5 մարշալ և 1 ծովակալ։
Վալենտինա Մտվիենկոն հայտարարել է, որ ֆաշիզմի դեմ հաղթանակը ընդմիշտ մոտեցրել է երկու ժողովրդին, իսկ Երևանում անցկաված «Անմահ գնդի» երթին մասնակցել են ռեկորդային թվով քաղաքացիներ։
ՌԴ դաշնային խորհուրդի նախագահը ընդգծել է նաև Հայաստանի հետաքրքրվածությունը ԲՐԻՍԿ-ի խորհրդարանական վեհաժողովին։
«Մենք անկցացնում ենք Միջխորհրդարանական արդեն 39-րդ նիստը, ինչը նշանակում է, որ այս ֆորմատը պահանջված է, արդյունավետ և այն նպաստում է երկու երկրների ժողովուրդների միջև բարեկամության ամրապնդմանը», — նշել է Մատվիենկոն։
Նրա խոսքով՝ այն նպաստում է նաև երկրի ղեկավարների միջև ձեռք բերված պայմանավորվածությունների կատարմանը։
