ԱԺ-ի դիմաց մի խումբ քաղաքացիներ բողոքի ակցիա են անում բանկերում և վարկային կազմակերպություններում կատարված խարդախության դեպքերի հետ կապված։ Ակցիայի մասնակից խաբված քաղաքացիներից մեկն ասաց, որ հաղորդագրությամբ է տեղեկացել, որ վարկ ունի՝ «ձեր վարկը հաջողությամբ ձևակերվել է»։
Նա նշեց, որ կես միլիոն գումար վարկ է ձևակերպվել իր անունով. «Բանկն ասաց, որ ձեր նկատմամբ եղել է զեղծարարություն, պետք է դիմեք ոստիկանություն, մենք էլ կդիմենք»։
Բանկային խարդախության զոհ դարձած քաղաքացիներն բավականին ժամանակ է ակցիաներ են անում, սակայն դեռ անարդյունք։
«Առայժմ արդյունք չկա։ Կա կեղծ արդյունքներ։ Բանկն ասում է ձեր վարկը, բայց մեր վարկը չէ, բայց ինքը պարտադրում է, որ ընդունենք մեր վարկն է, երկարաձգեն 5 տարով, հետո 12 տոկոսով եկեք, մուծեք։ Ապօրինի, հանցավոր առաջարկ է, նման առաջարկ անել մի մարդու, որ վարկ չի վերցրել։
Մենք բողոքում ենք բանկի դեմ, որովհետև չգիտենք զեղծարարը առարկա է, միֆ է, անձ է»,- ասաց քաղաքացին։
Մանրամասն՝ տեսանյութում։
