Մենք երբեք մեր խաղաղության օրակարգով չենք խաբել, կառավարության նիստից հետո լրագրողներին ասաց ՀՀ անվտանգության խորհրդի քարտուղար Արմեն Գրիգորյանը։
«Դուք խաղաղություն ասելով ի՞նչ եք հասկանում, ի՞նչ եք ուզում, որ լինի»,-լրագրողների հարցին հարցով պատասխանեց Գրիգորյանը։
Հենց այս գիշեր Խոզնավարում հնչած կրակոցների մասին լսելուց հետո Գրիգորյանն արձագանքեց.
«Միջադեպ եղել է, միջադեպի մասով մենք կշարունակենք աշխատել Ադրբեջանի հետ, բայց ես ուզում եմ նշել նաև սահմանազատման գործընթացը։ Հիմա, եթե միայն այդ կետով եք իրադարձությանը նայում, նայեք նաև սահմանազատման գործընթացին։ Սահմանազատման արդյունքում հիմա 12.7 կմ սահմանազատված հատված ունենք, նաև հավելյալ սահմանային գիծ ունենք, որտեղ երկու կողմում էլ սահմանապահ զորքերն են գտնվում։ Վերջին 5 տարվա ընթացքում մեկ միջադեպ չի եղել։ Շարունակում ենք Ադրբեջանի հետ աշխատել, որպեսզի սահմանզատումը շարունակենք»։
Նա նշեց, թե խաղաղության կառուցման գործընթացի տրամաբանության մեջ Հայաստանն առաջընթաց է ունեցել.
«Իհարկե, մեր բոլոր խնդիրները չենք լուծել, չենք կարող ասել, թե խաղաղության օրակարգն ամբողջովին իրագործված է, բայց համոզված կարող եմ ասել, որ այս հարցում ունեցել ենք արդյունքներ»։
