Նախկին ԱԽՔ-ի հայտարարությունները տարակուսանք են առաջացրել ՔՊ-ում․ «Ժողովուրդ»

18 Նոյեմբերի, 2026

«Ժողովուրդ» օրաթերթը գրում է. ««Ժողովուրդ» օրաթերթի տեղեկությունների համաձայն՝ ՔՊ վերնախավում տարակուսանք ու դժգոհություն է առաջացրել Անվտանգության խորհրդի նախկին քարտուղար Արմեն Գրիգորյանի վերջին հայտարարությունը։

Իշխանական շրջանակներում այս պահին ոչ այնքան զայրացած են Գրիգորյանի հնչեցրած տեսակետներից, որքան փորձում են հասկանալ՝ ինչպես է մարդը շուրջ ութ տարի գտնվել իրենց քաղաքական թիմի ներսում, զբաղեցրել առանցքային պաշտոններ, բայց այդ ամբողջ ընթացքում կարողացել է մնալ այսքան փակ ու անհասկանալի իր թիմակիցների համար։
«Ժողովուրդ»-ի հետ մասնավոր զրույցներում ՔՊ-ականներից շատերը չեն թաքցրել, որ Արմեն Գրիգորյանը երբեք էլ իրենց թիմի ակտիվ քաղաքական դերակատար չի եղել։ Նրանց փոխանցմամբ՝ Գրիգորյանը մշտապես եղել է, այսպես ասած, ստվերում․ կուսակցության ներսում գրեթե երբեք չի արտահայտել հստակ քաղաքական դիրքորոշում, ակտիվորեն չի մասնակցել թիմային գործընթացներին, իսկ իր իրական քաղաքական նպատակներն ու հետագա անելիքները թիմակիցների համար մշտապես անհասկանալի են մնացել։
Իշխանականների շրջանում անգամ հնչում են դժգոհություններ, որ տարիներ շարունակ Գրիգորյանը զբաղեցրել է բարձր պաշտոն, սակայն ՔՊ թիմը նրանից որևէ էական քաղաքական աջակցություն չի զգացել։ Որոշ ՔՊ-ականներ պնդում են, թե երբեք մտերիմ չեն եղել նրա հետ, չեն ունեցել սերտ շփումներ և, ըստ էության, չեն էլ իմացել, թե ինչ քաղաքական հայացքներ ունի նա։

Մյուս կողմից՝ ՔՊ վերնախավի մի հատվածի համոզմամբ՝ Նիկոլ Փաշինյանը Գրիգորյանին պաշտոնից հեռացնելու որոշման հարցում ունեցել է իր քաղաքական հաշվարկները և, հնարավոր է, տեղեկություններ, որոնց մասին թիմի մյուս անդամները տեղյակ չեն եղել։ Սակայն նույնիսկ իշխանական շրջանակների ներսում շատերը չեն հասկանում, թե ինչու Գրիգորյանը հենց այս փուլում որոշեց հրապարակայնորեն հանդես գալ նման հայտարարություններով՝ կասկածի տակ դնելով Փաշինյանի հեռանալու օրակարգի վերաբերյալ հնչող գնահատականները և կարևորելով Ռուսաստանի հետ համագործակցության շարունակությունը։

Հատկանշական է, որ ՔՊ-ականները դեռևս չեն շտապում Արմեն Գրիգորյանի մասին հրապարակային գնահատականներ հնչեցնել։ «Ժողովուրդ»-ի տեղեկություններով՝ իշխանականները փորձում են հասկանալ նրա հետագա քաղաքական դիրքավորումը։ Նրանց համար առանցքային հարց է՝ արդյոք Գրիգորյանի հայտարարությունը պարզապես սեփական քաղաքական հայացքների արտահայտո՞ւմ է, թե՞ նա պատրաստվում է անցնել ընդդիմադիր դաշտ և առաջիկայում հանդես գալ արդեն որպես իշխանության քննադատ։

Այսպիսով, Արմեն Գրիգորյանի հայտարարությունը ՔՊ ներսում նոր հարցեր է առաջացրել։ Եվ եթե նախկին թիմակիցները տարիներ շարունակ չեն հասկացել, թե ինչ դիրքորոշում ունի իրենց կողքին աշխատող պաշտոնյան, ապա այսօր առավել ևս փորձում են հասկանալ՝ ո՞վ էր իրականում Արմեն Գրիգորյանը ՔՊ իշխանության տարիներին, և ո՞ր քաղաքական ճանապարհն է նա ընտրելու այսուհետ»։

Մանրամասները՝ «Ժողովուրդ» օրաթերթի այսօրվա համարում։

Նմանատիպ նյութեր

Անհետ կորածների հարազատները դեմ են Ալեն Սիմոնյանի մասնակցությանը. «Հրապարակ»

Անհետ կորածների հարազատները դեմ են Ալեն Սիմոնյանի մասնակցությանը. «Հրապարակ»

«Հրապարակ» օրաթերթը գրում է. Նոյեմբերի 19-20-ը Երեւանում անցկացվելու է «Անհայտ կորած անձանց ճակատագիրը․ մարդասիրական երկխոսություն եւ համագործակցություն» խորագրով միջազգային համաժողով, որը կազմակերպել են Անվտանգության խորհրդի գրասենյակը, ԱԳՆ-ն եւ Հայկական կարմիր խաչի...

Կառավարությունում կադրային ջարդ է սպասվում. «Իրավունք»

Կառավարությունում կադրային ջարդ է սպասվում. «Իրավունք»

«Իրավունք» թերթը գրում է. «ՔՊ լավատեղյակ աղբյուրների փոխանցմամբ, մինչեւ տարեվերջ կառավարությունում «կլյուչեւոյ» պաշտոններում ծվարած պաշտոնյաների «ջարդ» է սպասվում։ «Թիրախում հնաբնակներն են, որոնք կամեռաների տակ ֆնչացնելով ու բողոքելով` գործ են անում: Ա՛յ, դրանց իրական...

Արմավիրի մարզից 3 հոգի սուր կտրnղ-ծակnղ առարկայից ստացած հարվածներից տեղափոխվել են հիվանդանոց

Արմավիրի մարզից 3 հոգի սուր կտրnղ-ծակnղ առարկայից ստացած հարվածներից տեղափոխվել են հիվանդանոց

Երեկ՝ նոյեմբերի 16-ին, արտակարգ դեպք է տեղի ունեցել Արմավիրի մարզում։ Ժամը 07։20-ի սահմաններում ՀՀ ներքին գործերի նախարարության ոստիկանության քրեական ոստիկանության գլխավոր վարչության Արմավիրի մարզային վարչությունում օպերատիվ տեղեկություններ են ստացվել, որ «Վաղարշապատ»...

Իրանը հայտարարել է Հայաստանում նավթավերամշակման գործարանի կառուցմանը մասնակցելու պատրաստակամության մասին

Իրանը հայտարարել է Հայաստանում նավթավերամշակման գործարանի կառուցմանը մասնակցելու պատրաստակամության մասին

  Իրանի նավթի նախարարի պաշտոնակատար Համիդ Բովարդը հայտարարել է, որ Թեհրանը պատրաստ է մասնակցել Հայաստանում էներգետիկ խոշոր ծրագրերի իրականացմանը։ Մասնավորապես, Իրանը պատրաստ է օգտագործել իր տեխնիկական և ինժեներական հնարավորությունները Հայաստանում նավթավերամշակման...

Քոչարյանին կալանավորելուց հետո սկսվեց ազգային արժեքների կազմաքանդումը․ Անուշ Առաքելյան

Քոչարյանին կալանավորելուց հետո սկսվեց ազգային արժեքների կազմաքանդումը․ Անուշ Առաքելյան

«Հայաստան» դաշինքի անդամ Անուշ Առաքելյանը ֆեյսբուքյան իր էջում գրում է․ Երեկ մասնակցում էի Հայաստան խմբակցության կողմից կազմակերպված ԱԺ լսումներին։ Լուռ հետևում էի ելույթները։ Խոսվեց քաղբանտարկյալների, հետապնդումների ու հալածանքների մասին։ Այո, 2018 թվականից...