Այսօր՝ մայիսի 28–ին, լրագրողների հետ զրույցում ԱԺ «Հայաստան» խմբակցության պատգամավոր Իշխան Սաղաթելյանը` անդրադառնալով Նիկոլ Փաշինյանի այսօրվա հայտարարություններին, որ մենք այսօր ավելի պետություն ենք, ավելի ինքնիշխան ենք, քան երբևէ, որ հայ ժողովուրդը այսօր հայրենիք փնտրելու կարիք չունի, քանի որ արդեն ունի այն, ասաց.
«Դա անհայրենիք, անսրբություն անձի ձևակերպումներ են։ Իր իշխանության տարիներին Հայաստանի ինքնիշխանության մակարդակը իջել է պլինտուսի աստիճան, իր իշխանության տարիներին Հայաստանի տարածքային ամբողջականությունը խաթարված է, թշնամին գտնվում է Հայաստանի ինքնիշխան տարածքում։ Հետևաբար ինքը պետականությունից, հայրենիքից, պետությունից խոսելու իրավունք չունի, որովհետև ինքը, ըստ էության, դրա թշնամին է։
Նիկոլ Փաշինյանը իր իրական Հայաստանի կոնցեպտով փորձում է արդարացնել այն բոլոր զիջումները, որ արվել են թշնամուն։ Այս հանձնումները հիմնավորելու համար հորինել է այս իրական Հայաստանի կոնցեպտը և կեղծ խաղաղության օրակարգը, որով փորձում է մեր հասարակությանը կերակրել, դրանով փորձելով մեկ անգամ ևս վերընտրվել կամ վերարտադրվել»։
Մանրամասն՝ տեսանյութում։
