2004 թվականին, ԵԽԽՎ-ում ելույթ ունենալով, ՀՀ նախագահ Ռոբերտ Քոչարյանն ասում է․ «Ղարաբաղը երբեք չի եղել անկախ Ադրբեջանի մաս։ Սա փաստ է։
ԽՍՀՄ փլուզման արդյունքում նախկին Ադրբեջանական ԽՍՀ-ի և Լեռնային Ղարաբաղի Ինքնավար մարզի տարածքում ձևավորվեց երկու պետություն՝ Ադրբեջանի Հանրապետությունը և Լեռնային Ղարաբաղի Հանրապետությունը։
Այս պետությունների գոյության իրավական հիմքը նույնական է, այսինքն՝ Ադրբեջանի տարածքային ամբողջականությունը որևէ ընդհանուր բան չունի Լեռնային Ղարաբաղի Հանրապետության հետ։
Մենք ընդհանրապես դեմ չենք արտահայտվել տարածքային ամբողջականությանը, բայց, կրկնում եմ, ա՛յս իրավիճակում, ա՛յս սկզբունքը որևէ ընդհանուր բան չունի նշյալ հակամարտության հետ։
Մենք պատրաստ ենք քննարկել հակամարտությունն իրավական հարթությունում կարգավորելու հարցը»։
Նիկոլ Փաշինյանը, սակայն, բոլորովին այլ կարծիք ուներ, որը արտահայտել է քանիցս․ 2023 թվականի մայիսի 22-ին մամուլի ասուլիսում ասում է․ «Հայաստանի Հանրապետությունը, այո, ճանաչում է Ադրբեջանի 86,6000 քկմ տարածքային ամբողջականությունը։ 86,600 քկմ-ն ներառում է նաև Լեռնային Ղարաբաղը»։
Ուշագրավ է, որ այս խոսքերն ասած, Պրահայում Արցախն Ադրբեջանի կազմում ճանաչած Փաշինյանը հայտարարում է, թե Արցախն Ադրբեջանի կազմ են ճանաչել իրենից առաջ։
Ռոբերտ Քոչարյանի և Նիկոլ Փաշինյանի ելույթները՝ տեսանյութում։
