ՔՊ-ական պատգամավոր Վլադիմիր Վարդանյանը այսօր՝ ապրիլի 25-ին հայտարարեց, թե ընդդիմությունն ուռճացնում է ցեղասպանության ուրացման դեպքերը։
«Երբևիցե տեսել ե՞ք Հայաստանի Հանրապետությունում որևիցե մեկին, որն ուրացել է Հայոց ցեղասպանությունը, ուրացել է վերջինիս որակումը։ Ես երբեք չեմ տեսել որևեիցե մարդու ՀՀ-ում, որ ուրացել է Հայոց ցեղասպանությունը։ Պարզ է, չէ՞, որ քրեական գործեր էլ չեն հարուցվել դրա հետ կապված»,- ԱԺ պետաիրավական հարցերի հանձնաժողովի նիստի ժամանակ նշեց Վարդանյանը:
Հիշեցնենք՝ այս տարի՝ հունվարի 24-ին, Շվեյցարիա այցելած Նիկոլ Փաշինյանը հայ համայնքի մի քանի ներկայացուցչի հետ հանդիպմանը ասաց․ «Մենք Հայոց ցեղասպանության պատմությանն էլ պետք է վերադառնանք, պետք է հասկանանք՝ լավ, ի՞նչ է տեղի ունեցել և ինչու է տեղի ունեցել։ Եվ ինչպես ենք մենք դա ընկալել, ում միջոցով ենք մենք դա ընկալել։ Ո՞նց է եղել, որ 1939 թվականին Հայոց ցեղասպանության օրակարգ չի եղել և ոնց է եղել, որ 1950 թվականին Հայոց ցեղասպանության օրակարգ հայտնվել է։ Ոնց է եղել, էս մենք պե՞տք ա հասկանանք, թե՞ չպետք ա հասկանանք։ Էս թեմաներին պե՞տք ա հարաբերվենք, թե՞ չպետք ա հարաբերվենք»։
Ի՞նչ կասեր Վլադիմիր Վարդանյանը Նիկոլ Փաշինյանի այս հայտարարության մասին, եթե չլիներ ՔՊ-ական պատգամավոր։
Մանրամասն՝ տեսանյութում։
