Որոշ ավտոմեքենաներ բաց են թողնվել, բայց ցավոք սրտի, խնդիր լուծված չէ, որովհետև խնդրի լուծում՝ նշանակում է ինստիտուցիոնալ հասկանանք, թե ինչն է պատճառը։ Այս մասին լրագրողների հետ զրույցում նշեց Էկոնոմիկայի նախարար Գևորգ Պապոյանը՝ անդրադառնալով նրան, որ դեպի ՌԴ կոնյակի սպիրտ արտահանող հայկական բեռնատարները Վրաստանում կանգնեցնում են, պոկում են պլոմբները, նմուշառում են վերցնում և ուղարկում անալիզի, մինչդեռ այդ ապրանքը Վրաստանի համար չէ, Վրաստանը պարզապես տարանցիկ երկիր է։
«Այստեղ անկեղծ պիտի լինեմ, պատճառները մեզ համար անհասկանալի են, փորձում ենք բոլոր մակարդակներում խնդրին լուծում գտնել։ Ուզում եմ նշել, որ առաջիկա օրերին ունենք նախնական պայմանավորվածություն, թերևս ես կայցելեմ Վրաստան՝ հարցերը արդեն տեղում լուծելու, հասկանալու համար»,- ասաց նա։
Մանրամասն՝ տեսանյութում:
