Րաֆֆի Ասլանյանը ֆեյսբուքյան իր էջում գրում է․
Արդեն յոթ տարի երկիրը ղեկավարող մարդամեկը հիմա էլ ձևացնում է, թե չի հասկանում, որ տրանսպորտային պատահարները ոչ թե վարորդական հմտությունների պակասի, վկայականների կեղծ լինելու, այլ լկտիության, «հպարտ քաղաքացու» համախտանիշով տառապելու հետևանք են, որոնք հարուցել են հենց ինքն ու իր իշխանությունը։ Միայն հիմարին կարող է պարզ չլինել, որ հարբած ղեկին նստող, կրկնակի հոծ գծեր հատող կամ ավտոմեքենայով 150-160 կմ/ժ երթևեկող վարորդը բնականաբար շատ լավ է հասկանում, որ դրանք ՃԵԿ կանոնների խախտումներ են։ Այդպիսի խախտումներին նպաստում է նաև գերազանցապես միջնակարգ կրթություն ունեցող չոբաններից ու հովիվներից բաղկացած՝ իր ստեղծած պարեկային ծառայության անգործունակությունը, երբ պարեկը չի տիրապետում իր գործունեությունը կարգավորող կոնկրետ իրավանորմերին՝ անհարկի ուժ է գործադրում, ոչ էական խախտումների հետևից է ընկնում, իսկ հարկ եղած դեպքում նույնիսկ խուսափում է կոպիտ իրավախախտումն արձանագրելուց։ Ինչու չէ՝ նման վարորդները նաև ընդօրինակում են ՀՀ վարչապետին և մյուս պաշտոնյաներին ուղեկցող ավտոշարասյան վարորդներին…։
Մի խոսքով՝ «բոլորը մեղավոր են, բացի ինձանից» փաշինյանական թեզը շարունակում է քանդել պետության բոլոր հիմքերը, սպառնալ հասարակության անվտանգությանը։
