Փաստաբան Րաֆֆի Ասլանյանը գրում է․
«Փաշինյանն այսօր ասում է՝ պերաշկի ուտողը պետք է ընտրի պերաշկի ուտողին՝ բնականաբար նկատի ունենալով իբրև թե իրեն։ Իհարկե, ի սկզբանե պարզ էր, որ ավտոբուսում նրա կողմից կարկանդակ ուտելը սահմանափակ մտածողություն և մտավոր կարողություններ ունեցող հասարակության անդամներին ուղղված փիար քայլ էր։ Բայց ո՞վ է տեսել «պերաշկի ուտող», ում, աշխատավարձից, միլիոնավոր պարգևավճարներից զատ, միայն պետական բյուջեից կենցաղային, առօրյա կարիքների համար հատկացվում է տարեկան 621 միլիոն ՀՀ դրամ։
Ցավալին այն է, որ այս մարդու՝ «ես ձեզանից մեկն եմ» արհեստական, սուտ կարգախոսը դեռ ութ տարի կարծես շարունակում է «աշխատել» ու իրեն ընտրազանգված ապահովել, իսկ դրան հավատացող հայրենակիցները ցավոք չունեն այնքան ինտելեկտ, որպեսզի պարզապես համեմատեն իրենց ու այդ մարդու ապրուստը, շարժը, կյանքը, վարքը, ծախսը և այլն։
Հ.Գ. Ստախոսն իրեն այնպես է պահում, կարծես Ուրուգվայի հայտնի նախագահ Խոսե Մուխիկան է, ով ապրում էր ամսեկան շուրջ 800 դոլլարով, իսկ աշխատավարձի մյուս մասը տրամադրում էր բարեգործությանը»։
