Ընդդիմությունը ընդդիմանում է ու շարունակելու է ընդդիմանալ Ադրբեջանի բոլոր պահանջները կատարելու ձեր մարմաջին։ Այս մասին, այսօր՝ մարտի 14-ին, ԱԺ-ում հայտարարեց «Հայաստան» խմբակցության պատգամավոր Քրիստինե Վարդանյանը՝՝ դիմելով արտգործնախարար Արարատ Միրզոյանին:
«Հայաստանում դուք բերե՞լ եք էդ եվրոպական դիտորդներին։ Բնականաբար դեմ ենք, որ Ադրբեջանը եթե ասում է, որ իրանց պիտի սահմանից հանեք, դուք առանց դա քննարկելու անգամ հանում եք։ Էդ ա ընդդիմության խնդիրը։ Թե չէ մենք ինչին ենք դեմ, ինչին ենք կողմ, ինչի համար, դա ասել ենք։
Դուք ստացել եք մի համաձայնագիր, որը արտացոլում է բանակցային գործընթացում Ադրբեջանի կողմից հնչեցված բոլոր պահանջները ու հայտարարում եք, որ փողզիջումային փաստաթուղթ է, որը ընդունելի է Հայաստանի համար։ Մի հատ հանրությանը կբացատրե՞ք Ադրբեջանի փողզիջումը ո՞րն է եղել։ Էդ ի՞նչ պահանջ է Ադրբեջանը հնչեցրել, որից հետ ա կանգնել, զիջել ա ինչ-որ բան։ Ո՞րն է եղել Ադրբեջանի փողզիջումը էս գործընթացում։ Ես հիշեցնեմ, որ դուք սկսել եք բանակցել այն կետից, երբ Ադրբեջանի պահանջները վերաբերում էին բացառապես Արցախին, հիմա հասել եք այնտեղ, որ Ադրբեջանը հրապարակային նախապայման է դնում՝ սահմանադրություն փոխելու, պահանջում է ՀՀ քաղաքացիներին»,- ասաց նա։
Մանրամասն՝ տեսանյութում։
