Նիկոլ Փաշինյանն իր վրա է վերցնում կրակը․ Հակոբ Բադալյան

10 Մարտի, 2025

 

Քաղաքագետ Հակոբ Բադալյանը տելեգրամյան իր ալիքում գրում է․

«Նիկոլ Փաշինյանն իր վրա է վերցնում կրակը:

Փաշինյանը գրառում է արել Ֆեյսբուքում, որտեղ անդրադարձել է երկրորդ և երրորդ նախագահների կողմնակիցների այսպես ասած բանավեճին և փոխադարձ մեղադրանքներին: «Երկու կիսամաշ դեմքեր իրենց շրջապատներով վիճում են, թե ո՞վ է ինձ իշխանության բերել, միմյանցից պահանջելով ասել ճշմարտությունը: Դուք ասեք ձե՞զ ով է ժամանակին իշխանության բերել՝ Հայաստանի Հանրապետության ժողովրդի ձայնը երբեք չստացած այ ընտրակեղծարար-ուզուրպատորներ», գրում է Ֆեյսբուքում Փաշինյանը:

Ի՞նչ կարիք կա խառնվելու, եթե թվում է, թե Ռոբերտ Քոչարյանի և Սերժ Սարգսյանի ու նրանց թիմերի վեճը կամ բախումը պետք է որ ձեռնտու լինի առաջին հերթին հենց Նիկոլ Փաշինյանին: Այդ դեպքում ինչու՞ միջամտել, այլ ոչ թե լուռ հետևել ու վայելել, թե ինչպես են նրանք «կռվում» միմյանց հետ:

Փաշինյանի «միջամտությունը» նշանակու՞մ է, որ երկրորդ և երրորդ նախագահների միջև ծավալվող առերևույթ վեճը գործնականում այդքան էլ միարժեք Փաշինյանի օգտին չէ, որքան կարող է թվալ առերևույթ:

Փաշինյանը միջամտում է և «կրակը» վերցնում իր վրա, արդյո՞ք այն պատճառով, որ նա բնականաբար տիրապետելով իրավիճակի վերաբերյալ առավել համապարփակ և մանրամասն տեղեկատվության, գործնականում բոլորովին էլ նպաստավոր չի համարում Ռոբերտ Քոչարյանի ու Սերժ  Սարգսյանի միջև ծավալվածայդ բաց ու բավականին կոշտ բանավեճը:  Ի՞նչ մտավախություն կարող է ունենալ Նիկոլ Փաշինյանը, միարժեք ասելը դժվար է՝ չունենալով մանրամասն տեղեկություններ:

Համենայն դեպս, կրկնեմ, թվում է, որ Փաշինյանը պետք է պարզապես «պոպկոռնով» վայելեր նախկին նախագահների բանավեճը, բայց նա գերադասում է միջամտել ու կրակը վերցնել իր վրա, ըստ էության առաջ քաշելով նրանց «միավորելու» միտում ունեցող տրամաբանություն ու բանաձև: Ըստ այդմ, ինչու՞ է նա «միջամտում»:

Իհարկե պետք չէ բացառել, որ քայլը պայմանավորված է զուտ Գյումրու ընտրության հաշվարկով, նկատի ունենալով այն, որ Փաշինյանը այնտեղ ընտրական ցանկալի արդյունք ապահովելու համար հերթական անգամ խաղարկում է «նախկինների» և «թալանի» թեման, հետևաբար նրան նախընտրական տակտիկական հաշվարկից ելնելով ցանկալի է «միավորել» նախկիններին մեկ փաթեթով:

Բայց, սա կարծես թե մի խնդիր է, որը լուծելու համար Փաշինյանին առանձնապես պետք չէր լինի ֆեյսբուքյան գրառումով անդրադառնալ նրանց բանավեճին, քանի որ այդ անդրադարձը խոշոր հաշվով հազիվ թե առանձնապես ուժեղացնի նրա նախընտրական տեղեկատվա-քարոզչական «խաղադրույքը»:

Ըստ այդմ, ավելի հակված եմ մտածել, որ Նիկոլ Փաշինյանն այդուհանդերձ երկրորդ և երրորդ նախագահների այս բավականին բաց և սուր վեճի ներքո տեսնում է զարգացումներ, որոնք կարող են այդքան էլ տեսանելի չլինել այսպես ասած «շարքային իրազեկվածության» պայմաններում, հետևաբար, եթե հանրության համար նախկին նախագահների վեճը կարող է թվալ «պոպկոռնի» թեմա, Փաշինյանի համար այն կարող է դիտվել բոլորովին այլ խորությամբ»:

Նմանատիպ նյութեր

Թուրքիան առանցքային դիրք է զբաղեցնում տարածաշրջանում. Ֆիդան

Թուրքիան առանցքային դիրք է զբաղեցնում տարածաշրջանում. Ֆիդան

Թուրքիայի  արտաքին գործերի նախարար Հաքան Ֆիդանը հայտնել է, որ Թուրքիան առանցքային դիրք է զբաղեցնում Եվրոպան, Սևծովյան տարածաշրջանը, Հարավային Կովկասն ու Կենտրոնական Ասիան կապող հաղորդակցային ուղիներում։ Նոյեմբերի 16-ին Բրյուսելում կայացած «Միջտարածաշրջանային...

Եվրոպան չպետք է դառնա ԱՄՆ-ի կամ Չինաստանի վասալը. Մակրոն

Եվրոպան չպետք է դառնա ԱՄՆ-ի կամ Չինաստանի վասալը. Մակրոն

Ֆրանսիայի նախագահ Էմանուել Մակրոնը հայտարարել է, որ աշխարհում տիրող քաոսի պայմաններում կա երկու գերտերություններից մեկի վասալը դառնալու գայթակղություն։ Նրա խոսքով՝ Եվրոպայի նպատակը պետք է լինի բազմաբևեռ աշխարհակարգի և ռազմավարական ինքնավարության պաշտպանությունը։ Նման...

Վիճաբանություն-ծեծկռտուք՝ Պտղնիում. վիրավոր կա

Վիճաբանություն-ծեծկռտուք՝ Պտղնիում. վիրավոր կա

Նոյեմբերի 16-ին վիճաբանություն-ծեծկռտուք է տեղի ունեցել Կոտայքի մարզում։ Ժամը 01:40-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Կոտայքի բաժնում տեղեկություններ են ստացվել, որ Վերին Պտղնի գյուղում գտնվող...

«Նուբարաշեն» ՔԿՀ-ում հայտնաբերվել են հոգեմետ դեղահաբեր․ բուժքույրը ձերբակալվել է

«Նուբարաշեն» ՔԿՀ-ում հայտնաբերվել են հոգեմետ դեղահաբեր․ բուժքույրը ձերբակալվել է

Քրեակատարողական ծառայության կենտրոնական մարմնի օպերատիվ վարչության «Նուբարաշեն» տարածքային բաժնում նախապես ստացվել էին տեղեկություններ այն մասին, որ «Նուբարաշեն» քրեակատարողական հիմնարկի խցերից մեկում առկա են թմրամիջոցներ և արգելված իրեր։ Այս մասին հայտնում են ՔԿԾ-ից։...

Արմավիրում հրդեհ է բռնկվել կենցաղային տեխնիկայի վերանորոգման սրահում. կանխվել է հրդեհի տարածումը

Արմավիրում հրդեհ է բռնկվել կենցաղային տեխնիկայի վերանորոգման սրահում. կանխվել է հրդեհի տարածումը

Նոյեմբերի 17-ին՝ ժամը 00:01-ին, Արմավիրի մարզային օպերատիվ կառավարման կենտրոն ահազանգ է ստացվել, որ հրդեհ է բռնկվել Արմավիր քաղաքի Ջիվանու փողոցում գտնվող կենցաղային տեխնիկայի վերանորոգման սրահում։ Դեպքի վայր է մեկնել ՆԳՆ ՓԾ մարզային փրկարարական վարչության...