Կա երկու տեսակի թուղթ՝ ինչ-որ մարդկանց տպավորությամբ և հիշողությամբ գրված թղթեր և բուն իրական փաստաթղթեր: Այս մասին 5-րդ ալիքին տված հարցազրույցում հայտարարել է ՀՀ երկրորդ նախագահի գրասենյակի ղեկավար Բագրատ Միկոյանը՝ անդրադառնալով Մեղրիի «հանձնման» շուրջ չհանդարտվող խոսակցություններին և ԱՄՆ Պետդեպի կողմից, իբրև թե, գաղտանզերծված թղթերին:
Միկոյանը ներկայացրեց Հեյդար Ալիևի և ԱՄՆ պետքարտուղար Մադլեն Օլբրայթի 2000 թվականի սեպտեմբերի 7-ի հանդիպման պաշտոնական սղագրությունը, որում գրված է. «Ի վերջո Քոչարյանը հրաժարվեց առաջարկից և ասաց, որ այդ գործարքն անհնար է»:
«Սա այն փուլն է, երբ Ալիևի փոխանակման առաջարկից մենք գալիս ենք դեպի Քի Վեսթ: Լսե՞լ եք Ադրբեջանում մեկն ասի՝ «Հեյդար Ալիևը, փաստորեն, Արցախը տալիս էր, զիջել էր», չեք լսել ու չեք էլ լսելու, դրա համար իրենց դիվանագիտությունն ուժեղ է: Մենք այսօր շարունակական ստորացման ուղին ենք բռնել, որը, վստահ եմ, ավարտվելու է»,- նշել է ՀՀ երկրորդ նախագահի գրասենյակի ղեկավարը:
Մանրամասն՝ տեսանյութում:
