Ադրբեջանի ցեղասպան գործողությունները շարունակվում են մինչ օրս, ադրբեջանցիները փորձում են ջնջել հայկական հետքը, յուրացնել հայկական ժառանգությունը։ Այս մասին Ադրբեջանի Սումգայիթ քաղաքում հայերի ջարդերի զոհերի հիշատակին նվիրված հանրահավաքի ժամանակ հայտարարել է ՀՀ պաշտպանության նախկին նախարար, ԱԺ պատգամավոր Սեյրան Օհանյանը։
«Այսօրվա իրականության մեջ և հատկապես, որ Ադրբեջանի ցեղասպան գործողություններն նաև զուգորդվում են մեր հայրենակիցների, Արցախի ընտրված ռազմաքաաղաքական ղեկավարության, մեր գերիների կեղծ թատերականացված, բեմականացված դատավարական գործողույթունները, որտեղ ամեն կերպ իրավունքները ոտնահարվում են մեր գործընկերների, ռազմաքաղաքական ղեկավարության, ամեն կերպ ուզում են այնպես անել, որպեսզի այնտեղ դատեն ոչ թե այդ մարդկանց, ոչ թե մեր ընկերներին, ռազմաքաղաքական ղեկավարությանը, այլ, ըստ էության, և՛ Հայաստանի, և՛ Արցախի ինքնորոշման ամբողջ իրավունքը։ Այս ամենից հետո ձեռքերը լվանալ, այս հարցը չբարձրացնել և չխոսել մեր ժողովրդի իրավունքի մասին , մեր գերիների մասին, առնվազն անբարոյականություն է, որ մենք տեսնում ենք ՀՀ իշխանությունների կողմից։ Միջազգային դատարաններում լռելը կամ հայցերը հետ կանչելը անընդունելի է։ Կոչ բոլորին՝ պահանջել ՀՀ «ղեկավարությունից» ոչ թե դա անել, այլ զբաղվել բոլոր հարցերով՝ բանակցություններում օգտագործելու համար»,- ընդգծեց Օհանյանը։
Մանրամասն՝ տեսանյութում։
