«Տաշիր» ընկերությունների խմբի փոխնախագահ Նարեկ Կարապետյանը ֆեյսբուքյան էջում գրում է․
«Այսօր Վերաքննիչ դատարանը Սամվել Կարապետյանի ձերբալակությունը ճանաչեց ոչ իրավաչափ:
Մոտակա 7 օրվա ընթացքում դատարանը պետք է որոշի ազատում է կալանքից, թե ոչ: Հուսով եմ այսքանից հետո արդեն ոչ ոքի մոտ կասկած չի մնա , որ կալանքը օրինաչափ չէ»:
Ավելի վաղ հայտնել էինք, որ ՀՀ վերաքննիչ քրեական դատարանը ոչ իրավաչափ է ճանաչել գործարար Սամվել Կարապետյանի ձերբակալումը։ Դատարանը հաստատել է, որ 2025 թվականի հունիսի 18-ին Սամվել Կարապետյանի ձերբակալումը եղել է ոչ իրավաչափ, ինչի արդյունքում Սամվել Կարապետյանն ապօրինաբար՝ շուրջ 9 և ավել ժամ պահվել է անազատության մեջ: Այսպիսով, Վերաքննիչ քրեական դատարանը հաստատել է սույն քրեական վարույթով տեղի ունեցող ապօրինությունների շարքից հերթականը՝ Սամվել Կարապետյանի ապօրինաբար և անհիմն ձերբակալվելու փաստը:
