1 մլն դոլար՝ հայկական դեսպանատներում Անկախության օրը նշելու համար

6 Օգոստոսի, 2026

Փաշինյանի կառավարությունն այսօրվա՝ օգոստոսի 6-ի նիստում որոշեց մեծ գումար տրամադրել հայկական դիվանագիտական ներկայացուցչություններին՝ ՀՀ անկախության 35-ամյակը նշելու համար։
Համաձայն հիմնավորման՝ ՀՀ անկախության 35-ամյակի շրջանակում՝ արտերկրում գործող ՀՀ դիվանագիտական ներկայացուցչությունների կողմից ներկայացված միջոցառումների առաջարկությունները նպատակ ունեն արժանապատվորեն նշելու հոբելյանական տարեդարձը, բարձրացնելու Հայաստանի միջազգային տեսանելիությունը, խթանելու երկրի դրական ընկալումը և նպաստելու երկկողմ քաղաքական, տնտեսական, մշակութային և հասարակական կապերի զարգացմանը։ Միջոցառումների գերակշիռ մասը ենթադրում է պաշտոնական ընդունելություններ։

Մասնավորապես, նախատեսվում է կազմակերպել համերգներ, ցուցահանդեսներ, գրքերի և լուսանկարների ցուցադրություններ, ֆիլմերի ցուցադրություններ, գիտաժողովներ և թեմատիկ քննարկումներ, ինչպես նաև Հայաստանի պատմությունն ու մշակութային ժառանգությունը ներկայացնող միջոցառումներ։

Միաժամանակ, առաջարկվում է լայնորեն ներկայացնել հայկական խոհանոցը, գինեգործությունը, հայրենական արտադրանքը՝ դրանք ներառելով պաշտոնական միջոցառումների ծրագրերում՝ որպես Հայաստանի զբոսաշրջային և տնտեսական ներուժի ներկայացման լրացուցիչ գործիք։
Նախատեսվում է առանձնահատուկ շեշտադրել Հայաստանի Հանրապետության արդի ձեռքբերումների, խաղաղության օրակարգի, ժողովրդավարական զարգացման, ներդրումային և զբոսաշրջային հնարավորությունների ներկայացման, ինչպես նաև ակադեմիական, փորձագիտական և գործարար շրջանակների ներգրավման վրա։

Առանձին դեպքերում, առաջարկվում է միջոցառումները համատեղել բարձրաստիճան փոխայցելությունների, միջազգային համաժողովների կամ երկկողմ նշանակալի տարեդարձերի հետ՝ ապահովելով առավել լայն քաղաքական և հանրային արձագանք։

Օտարերկրյա պետություններում գործող 51 ՀՀ դիվանագիտական ծառայության մարմիններում նախատեսվում է իրականացնել լայնամասշտաբ միջոցառումներ, որոնց ծախսերը, նախնական հաշվարկով, կկազմեն մոտ մեկ միլիոն ԱՄՆ դոլար: ՀՀ ֆինանսների նախարարություն ներկայացված նախագծով առաջարկվում էր ՀՀ պետական բյուջեի պահուստային ֆոնդից ՀՀ ԱԳ նախարարությանը հատկացնել 800 հազար դոլարին համարժեք ՀՀ դրամ, իսկ տարբերությունը պետք է փոխհատուցվեր ՀՀ ԱԳ նախարարության միջոցներից:

Նմանատիպ նյութեր

Դադարեցրե՛ք ՔՊ-ին քննադատողների նկատմամբ հետապնդումները, ազատե՛ք քաղբանտարկյալներին․ Արթուր Խաչատրյան

«Հայաստան» խմբակցության քարտուղար Արթուր Խաչատրյանը ներկայացրել է Ազգային ժողովի հայտարարության նախագիծ՝ Հայաստանում քաղաքական հետապնդումների ենթարկվող անձանց իրավունքների պաշտպանության և նրանց իրավական երաշխիքների...

Քոչարյանը մեզ համար պայքարից չնահանջելու օրինակ է․ Հայկ Աթոյան

Քաղաքական հետապնդումները Հայաստանում սկսվել են դեռևս 2018 թվականի հուլիսի 27-ից, երբ կալանավորվեց ՀՀ երկրորդ նախագահ Ռոբերտ Քոչարյանը։ Այս մասին հայտարարել է «Հայաստան» դաշինքի անդամ Հայկ Աթոյանը։ Նրա խոսքով՝ այն ժամանակ...

Ձեզ բոլորիդ համախմբում է մեկ ընդհանուր հանցագործություն․ դուք պետական հանցագործություն եք կատարում․ Եգանյանը՝ իշխանությանը 

«Նիկոլ Փաշինյանը, գալով իշխանության գլուխ, առաջինը թիրախավորեց Հայոց եկեղեցին։ Բայց տեսնում ենք՝ ուր է դա նրան տանում։ Ոչ մի լավ տեղ չի տանում։ Նիկոլ Փաշինյանը եկավ դագաղներով․ իրենք դագաղներն էին պարեցնում։ Եվ ես չեմ կարող մոռանալ մի շատ...

Օդի ջերմաստիճանը կնվազի 3-5 աստիճանով

Օդի ջերմաստիճանը կնվազի 3-5 աստիճանով

Երևանում նոյեմբերի 16-ի ցերեկը, 17-ի գիշերը, 19-21-ին սպասվում է կարճատև անձրև։ Նոյեմբերի 17-ի ցերեկը և 18-ին սպասվում է առանց տեղումների եղանակ։ Հանրապետության տարածքում նոյելբերի 16-ի ցերեկը, 17-ի գիշերը,18-ի և 19-ի ցերեկը, 20-21-ին ժամանակ առ ժամանակ առանձին...

Արևմուտքի ուշադրությունը պետք է մշտապես պահել Հայաստանի իրադարձությունների վրա․ Տիգրան Քոչարյան

«Շատերն ասում են՝ տեսե՛ք, Նիկոլ Փաշինյանի թիկունքին կանգնած է հավաքական Արևմուտքը և աչք է փակում այն ամենի վրա, ինչի դեպքում նախկինում աչք չէր փակում։ Այստեղ նույնպես լուծումներ կան։ Հավաքական Արևմուտքի ուշադրությունը պետք է անընդհատ...