Հավանության է արժանացել համացանցում մտավոր սեփականության օբյեկտների նկատմամբ իրավունքների խախտումների դեմ պայքարի համաձայնեցված մոտեցումների վերաբերյալ համաձայնագիրը։ Համապատասխան որոշումն ընդունվել է նոյեմբերի 5-ին՝ ՀՀ կառավարության նիստում։

Փաստաթուղթը կարգավորում է Եվրասիական տնտեսական միության անդամ պետությունների միջև համագործակցությունը՝ նշված իրավունքների խախտումները կանխելու արդյունավետ մեխանիզմների ստեղծման ուղղությամբ։

Համաձայնագիրը նախատեսում է ԵԱՏՄ անդամ պետությունների միջև համագործակցության խորացում, օրենսդրության կատարելագործում և հեղինակային ու հարակից իրավունքների պաշտպանության մեխանիզմների զարգացում։ Այն հնարավորություն կտա համատեղ ջանքերով կանխարգելել համացանցում մտավոր սեփականության օբյեկտների ապօրինի օգտագործումը և ավելի արդյունավետ պաշտպանել իրավատերերի շահերը։