Փորձագիտական շրջանակների կողմից, այո, երկրորդ նախագահի նկատմամբ վերաբերմունքը դրական է․ Արմեն Բադալյան

4 Մարտի, 2025

«Փաստինֆոն» գրում է․ Աշխարհի բոլոր երկրներում ընդդիմադիր ուժերը միմյանց միջև ունենում են կատաղի հակասություններ, հակամարտություններ, այն, որ հանրապետության 2-րդ և 3-րդ նախագահների թիմերի միջև հակասություններ կան՝ դա Հայաստանի համար նորություն չէ։ Բայց, հաշվի առնելով, որ կա ռուսական գործոն, որը շուտով իրենց զգացնել է տալու, բնականաբար այդ գործոնի և այդ հանգամանքի հետ կապված այս տարանջատումը դառնում է ավելի սուր ու ակտուալ։ «Փաստինֆոյի» հետ զրույցում ասաց քաղտեխնոլոգ Արմեն Բադալյանն՝ անդրադառնալով Սերժ Սարգսյանի և Ռոբերտ Քոչարյանի թիրմակիցների միջև անհանդուրժողականությանն ու բացահայտ հակասություններին։

Հարցին, թե սա ընտրություններից առաջ արդյոք նվեր չէ գործող իշխանության համար՝ Բադալյանն ընդգծեց, որ ընտրություններին չի մասնակցում ընդդիմությունը կամ իշխանությունը, ընտրություններին մասնակցում են քաղաքական ուժեր, անկախ նրանից՝ դրանք ընդդիմադիր են, թե չէ։ «Եթե դու իշխանություն ես՝ լրացուցիչ ընտրազանգված կա, որը քեզ ձայն է տալու, բայց երբ ընդդիմություն ես, դա քեզ լրացուցիչ ձայն չի բերում, առավելություն չի տալիս։ Այսինքն, դրա համար շատ ձայն չեն ստանում։

Միաժամանակ, պետք է նշել, որ ընդդիմությունը չի պառակտվում, ուղղակի հստակեցում է գնում, տարանջատում է կատարվում»:

Անդրադառնալով ռուսական գործոնի ազդեցությանը՝ Բադալյանն ընդգծեց, որ ռուս- ամերիկյան հարաբերություններն սկսում են բարելավման նշաններ ցույց տալ, իսկ ԱՄՆ-ին այլևս Հարավային Կովկասը չի հետաքրքրում, դա նշանակում է որ Հարավային Կովկասը անցնում է Ռուսաստանի ազդեցության ներքո։ «Սա նշանակում է, որ այստեղ որոշ ուժեր պետք է տարանջատվեն իշխող քաղաքական ուժից, և այն ուժերից, որոնք նպաստել են ստեղծված քաղաքական համակարգին, այս դեպքում՝ երկրորդ նախագահի կողմնակիցների կարծիքով, խոսքը վերաբերում է երրորդ նախագահի ուժին։ Եվ դրա համար էլ այս գործընթացը տեղի է ունենում»։

Դիտարկմանը, թե արդյոք սա նշանակում է, որ ՌԴ-ի կողմից նախապատվություն է տրվում Ռոբերտ Քոչարյանի՞ն՝ նա պատասխանեց, որ ակնհայտորեն Ռուսաստանի փորձագիտական շրջանակների կողմից նախապատվություն է տրվում Քոչարյանին։ «Ինչ նախապատվություն ունի ՌԴ իշխանությունը այս պահի դրությամբ՝ չեմ կարող ասել, բայց փորձագիտական շրջանակների կողմից, այո, երկրորդ նախագահի նկատմամբ վերաբերմունքը դրական է, իսկ երրորդի նկատմամբ բացասական է։ Սրանով էլ պայմանավորված է Սերժ Սարգսյանի թիմակիցների որոշակի քաղաքական «խիստ ակտիվացումը»։

Նմանատիպ նյութեր

Դադարեցրե՛ք ՔՊ-ին քննադատողների նկատմամբ հետապնդումները, ազատե՛ք քաղբանտարկյալներին․ Արթուր Խաչատրյան

«Հայաստան» խմբակցության քարտուղար Արթուր Խաչատրյանը ներկայացրել է Ազգային ժողովի հայտարարության նախագիծ՝ Հայաստանում քաղաքական հետապնդումների ենթարկվող անձանց իրավունքների պաշտպանության և նրանց իրավական երաշխիքների...

Քոչարյանը մեզ համար պայքարից չնահանջելու օրինակ է․ Հայկ Աթոյան

Քաղաքական հետապնդումները Հայաստանում սկսվել են դեռևս 2018 թվականի հուլիսի 27-ից, երբ կալանավորվեց ՀՀ երկրորդ նախագահ Ռոբերտ Քոչարյանը։ Այս մասին հայտարարել է «Հայաստան» դաշինքի անդամ Հայկ Աթոյանը։ Նրա խոսքով՝ այն ժամանակ...

Ձեզ բոլորիդ համախմբում է մեկ ընդհանուր հանցագործություն․ դուք պետական հանցագործություն եք կատարում․ Եգանյանը՝ իշխանությանը 

«Նիկոլ Փաշինյանը, գալով իշխանության գլուխ, առաջինը թիրախավորեց Հայոց եկեղեցին։ Բայց տեսնում ենք՝ ուր է դա նրան տանում։ Ոչ մի լավ տեղ չի տանում։ Նիկոլ Փաշինյանը եկավ դագաղներով․ իրենք դագաղներն էին պարեցնում։ Եվ ես չեմ կարող մոռանալ մի շատ...

Օդի ջերմաստիճանը կնվազի 3-5 աստիճանով

Օդի ջերմաստիճանը կնվազի 3-5 աստիճանով

Երևանում նոյեմբերի 16-ի ցերեկը, 17-ի գիշերը, 19-21-ին սպասվում է կարճատև անձրև։ Նոյեմբերի 17-ի ցերեկը և 18-ին սպասվում է առանց տեղումների եղանակ։ Հանրապետության տարածքում նոյելբերի 16-ի ցերեկը, 17-ի գիշերը,18-ի և 19-ի ցերեկը, 20-21-ին ժամանակ առ ժամանակ առանձին...

Արևմուտքի ուշադրությունը պետք է մշտապես պահել Հայաստանի իրադարձությունների վրա․ Տիգրան Քոչարյան

«Շատերն ասում են՝ տեսե՛ք, Նիկոլ Փաշինյանի թիկունքին կանգնած է հավաքական Արևմուտքը և աչք է փակում այն ամենի վրա, ինչի դեպքում նախկինում աչք չէր փակում։ Այստեղ նույնպես լուծումներ կան։ Հավաքական Արևմուտքի ուշադրությունը պետք է անընդհատ...