«Սկսեմ նրանից, որ նույնիսկ այս ծավալի կեղծիքների և ճնշումների պարագայում ժողովրդի մեծամասնությունն իրեն մանդատ չի տվել, և դա փաստ է: Եվ առնվազն այդ պատճառով իր վախերն ու անձնական ցանկությունները ժողովրդի վրա թող չգրի»,- Նիկոլ Փաշինյանի վերջին հայտարարություններին Yerevan.Today-ի հետ զրույցում այսպես արձագանքեց ՀՀ երկրորդ նախագահ Ռոբերտ Քոչարյանի գրասենյակի ղեկավար Բագրատ Միկոյանը:
Հիշեցնենք, Փաշինյանն այսօր հուլիսի 2-ին հայտարարել էր. «Մարդիկ ինձ կոնկրետ ասում են խի՞ ա Ռոբերտ Քոչարյանն ազատության մեջ: Դե արի մարդուն բացատրի, որ էս ինչ հոդվածի էսինչ կետը, էդ օրը արևը տենց որ սենց դուրս եկավ, փորձաքննությունը…, մեկը փռշտաց… Հա լավ, ձե՞ռ եք առնում: Մյուս կողմից էլ կասեն ուղիղ հրահանգ եք տալիս: Է ժողովուրդն ինձ է ուղիղ հրահանգ տալիս, ես էլ նրա ասածը փոխանցում եմ պետական ինստիտուտներին: Ի վերջո, ժողովրդից եք սնվում: Ով ինչ ուզում ա ասի, Ռոբերտ Քոչարյանը պտի նստի, ժողովուրդն ինձ է ասել դա, մի հատ էլ մանդատ էլ տվել ա: Հետո ասում են՝ ըհը, էս մեկի անունը չտվեց, հա․ сядут все»:
Բագրատ Միկոյանը Փաշինյանի այս ելույթի վերաբերյալ ասաց. «Զարմանալի էր, որ գերմանացի տիկին Ուրսուլայի հետ հանդիպումից հետո «կրքոտ հռետորը», գերմանական կինոների ֆրազները թողած, ռուսական ֆրազներ էր օգտագործում:
Բայց քանի որ պացիենտն այդ ոճով է որոշել խոսել, պատասխանեմ մեկ այլ ֆրազով՝ «Беда в том, что люди, которые должны принимать таблетки, принимают законы»։
Ինչևէ, քաղաքական պաշտոնյաների պարտադիր պսիխո անցնելու մեր առաջարկն ուժի մեջ է, Փաշինյանը կարող է օրինակ ծառայելով` հանձնել, որ փարատի օդում կախված կասկածները:
Եվ որպեսզի շատ չտխրի- հուսահատվի, մի հայտնի ֆրազ էլ վերջում ՝ «И тебя вылечат»»:
