«Գործող իշխանությունը ամբողջ քարոզարշավի ընթացքում, իհարկե դրանից առաջ էլ, ակնհայտ դիմում է ապօրինությունների և ամեն կերպ խոչընդոտում ընդդիմադիր քաղաքական ուժերի գործունեությունը՝ փորձելով ըստ էության կազմալուծել մեր նախընտրական քարոզարշավի ընթացքը։ Հայաստանի ամբողջ տարածքում մեր գրասենյակներում անընդհատ խուզարկություններ, ապօրինի քայլեր ու գործողություններ են անում. նախընտրական շտաբի պատասխանատուներին, ակտիվիստներին և աջակիցներին ինչ-որ հիմար պատրվակներով հրավիրում են ոստիկանություն, հարցաքննության, փորձում են վախեցնել ու ահաբեկել։ Դրան զուգահեռ, արդեն երկու օր է, օրինակ՝ Աշտարակի մեր գրասենյակում խուզարկություններ ու ձերբակալություններ են, և սա տեղի է ունենում ոչ միայն մեր քաղաքական միավորի, այլև, ինչպես տեսնում ենք, այլ քաղաքական ուժերի գրասենյակներում ևս։ Այսինքն՝ որտեղ կարողանում են՝ խուզարկում են, գործ են սարքում, բռնում են, որտեղ էլ չէ՝ արդեն բռունցքների են դիմում»,- այս մասին լրագրողների հետ ճեպազրույցում նշեց «Հայաստան» դաշինքի շտաբի ղեկավար Իշխան Սաղաթելյանը՝ անդրադառնալով թիմի դեմ իրականացվող գործողություններին։
Մանրամասն՝ տեսանյութում։
