Ուկրաինայի նախագահ Վլադիմիր Զելենսկին հարմար չէ հակամարտության կարգավորման վերաբերյալ հուշագիրը ստորագրողի դերի համար, հայտարարել է ՌԴ ԱԳՆ Կիևի ռեժիմի հանցագործությունների հետ կապված հատուկ հանձնարարությունների գծով դեսպան Ռոդիոն Միրոշնիկը։
«Զելենսկին իր իրավական կարգավիճակի պատճառով հարմար չէ հակամարտության կարգավորման վերաբերյալ հուշագիրը ստորագրողի դերի համար… Այս նրբությունը հաշվի կառնվի հուշագիրը պատրաստելիս։ Մենք, անշուշտ, չենք ցանկանում, որ հուշագրում իրավական բացթողումներ լինեն, որպեսզի այն իրավական տեսանկյունից անվավեր չճանաչվի»,- իր Telegram ալիքում գրել է Միրոշնիկը։
Նշենք, որ Զելենսկու պաշտոնավարման ժամկետը լրացել էր 2024 թվականի մայիսի 20-ին։ 2024 թվականին Ուկրաինայի նախագահական ընտրությունները չեղարկվել են՝ ռազմական դրություն և ընդհանուր զորահավաք հայտարարելու պատճառով։
