«Պարոն Կարապետյան, դուք ինչպե՞ս եք գտնում, Սփյուռքին արժե՞ր ներգրավել ձեր ծրագրերի համար, որովհետև ունենք կայացած մարդիկ, որոնք կարող են մեր տնտեսությունը զարգացնել»,- նման հարցադրումով «Մեր ձևով» շարժման համակարգող Նարեկ Կարապետյանին դիմեց քաղաքացիներից մեկը։
Ի պատասխան Կարապետյանը նշեց․ «Պատկերացրեք մի ազգ, որ 60%-ին չի ներգրավում պրոցեսների մեջ: Հայ ժողովուրդը 7-8 միլիոն է տարբեր տվյալներով, բայց Հայաստանում ապրում է 3 միլիոն: Այսօր սփյուռքը ինչքանո՞վ է ներգրավված Հայաստանի պրոցեսների մեջ: Օրինակ՝ մենք գիտենք, որ Անգլիայում կա Լորդ Արա Դարզին, ամենահայտնի լորդերից, ով Անգլիայի առողջապահական համակարգի ստեղծողն է։ Մեր օրենքներով ինքն իրավունք չունի Հայաստանում որևէ պաշտոն ստանալ․ սա ի՞նչ է նշանակում, որ մենք սփյուռքի լավագույն համալսարանները սովորած մեր մասնագետներին չենք կարողանում ներգրավել Հայաստանի համար, որ ծառայեն իրենց հայրենիքին, օրենքով սահմանափակված է։ Մենք կարող ենք ունենալ առողջապահության նախարար, ով առողջապահության հետ նոր է կապեր հաստատել, բայց օրինակ Արա Դարզիի նման նախարարին չենք կարող ունենալ: Եվ այսպիսի օրինակները հարյուրավոր են: Եթե սփյուռքահայերը պաշտպանված զգացին Հայաստանում, Հայաստանի ամբողջ պոտենցիալը կկրկնապատկվի միայն մեր սփյուռքի հայրենակիցների հաշվին:»։
Մանրամասն՝ տեսանյութում։
