«Դուք խոսում եք հայ-ռուսական հարաբերությունների վատթարացման մասին․ երեկ հարց ու պատասխանի ժամանակ Նիկոլ Փաշինյանն ասում է՝ Պուտինի հետ ունեմ վստահելի հարաբերություններ, բայց Հայաստանը այլևս պլեճի հույսին մնացած երկիր չէ: Սա ինչի՞ դրսևորում է։ Նաև ասում է՝ ԵԱՏՄ-ից ես չեմ ասել դուրս կգանք և քանի դեռ ԵԱՏՄ-ը և ԵՄ-ը համատեղելի է, մենք դուրս չենք գալու ԵԱՏՄ-ից: Համատեղելի՞ է, արդյոք»,- Ստեփանում քարոզարշավից հետո ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանին հարցրին լրագրողները։

Ռոբերտ Քոչարյանը պատասխանեց․ «Որ անհամատեղելի է, ինքն էլ է ասում, բոլորը հասկանում են․ բայց ինքը ասում է Ռուսաստանին՝ դուք զապասկա եք․ այնքան կմնամ, ինչքան մեզ հարմար է, երբ պատրաստ լինենք՝ դուրս կգանք: Ռուսաստանն էլ ասում է հետևյալը՝ ձեր ճանապարհը դեպի Եվրամիություն մենք չենք ֆինանսավորելու: Շատ ուղղակի: Այսօր նաև Ռուսաստանի նախագահի մամուլի խոսնակը դա ասաց, որ՝ Ռուսաստանը չի ֆինանսավորելու ձեր ճանապարհը դեպի Եվրամիություն:

Այսքան սուր չէր ընկալվի այս ամենը, եթե Եվրամիության հետ Ռուսաստանի հարաբերությունները թշնամացած չլինեին, և այդ թշնամացումը հենց Եվրամիությունից եկավ: Իրենք են ասում, որ փաստացի պատերազմի մեջ են Ռուսաստանի հետ: Եվ այստեղ նույնիսկ ԵԱՏՄ-ի հարց չի: Եթե Ռուսաստանն իր դռները Հայաստանի համար փակում է, ԵԱՏՄ-ում դու կաս-չկաս, դուրս ես եկել, դուրս չես եկել՝ նշանակություն չունի: 

Մենք ասում ենք, որ ՀԱՊԿ-ում սառեցրել ենք մեր մասնակցությունը, ճի՞շտ է․ այդպիսի մեխանիզմ չկա սառեցնելու, բայց սառեցրել են։ Հիմա Ռուսաստանը կարող է նույն կերպ ասել, որ ԵԱՏՄ-ի շրջանակներում ես իմ հարաբերությունները սառեցնում եմ Հայաստանի հետ․ վերջ, ի՞նչ ես անելու։ Արդյունքում մեր ժողովուրդն է տուժելու»։

Ինչ վերաբերում է Փաշինյանի հայտարարությանը, թե Պուտնի հետ ունի վստահելի հարաբերություններ, Ռոբերտ Քոչարյանն ասաց․ «Վստահել է հարաբերություններն այսպիսի հետևանքներ չեն ունենում»։

Մանրամասն՝ տեսանյութում։