«Քանի որ արդեն վեց տարի է՝ մենք մեր իշխանություններից ոչ մի դրական փոփոխություն չենք ունեցել անհետ կորածների ճակատագրի պարզաբանման հարցում։ Ճիշտն ասած՝ հույս էլ չունենք, որ կարող է ունենանք, բայց մեծահոգաբար իրենց մեկ շաբաթ ժամանակ ենք տրամադրում՝ այսօրվա իշխանություններին, որպեսզի մեր երեխաների՝ անհետ կորածների հարցում մեզ հստակեցում տան, ինչ-որ դրական դինամիկա ցույց տան։ Եթե այս մեկ շաբաթվա ընթացքում իրենց կողմից մեր պահանջին չլինի դրական պատասխան, մենք արդեն սկսելու ենք մեր որոշած քայլերը։
Մենք գիտենք, որ Ադրբեջանում էլ կան մարդիկ, մեր կարգավիճակում գտնվող մարդիկ, որոնք դեռ 90-ականներից ունեն իրենց անհայտ կորածները։ Մենք փորձելու ենք իրենց հետ կապի խողովակ գտնել, փոխադարձ աշխատել։ Մենք այստեղ մեր ուժերով կփորձենք հետաքրքրվել իրենց անհայտ կորածների ճակատագրով, քանի որ իրենք չեն կարող գալ այստեղ՝ իրենց երեխաներով զբաղվելու, մենք էլ չենք կարող գնալ այնտեղ։ Բայց այդ երեխաների ճակատագիրը չի կարող այսպես անվերջ անորոշ մնալ»,- այս մասին այսօր՝ հուլիսի 20-ին, ՀՀ կառավարության շենքի առջև անցկացվող ակցիայի ժամանակ այս մասին հայտարարել է 44-օրյա պատերազմում անհետ կորած զինծառայող Սարգիս Ղուկասյանի հորեղբայրը՝ Արսեն Ղուկասյանը։
Մանրամասն՝ տեսանյութում։
