Եթե Գյումրիում չկարողանան բավարար չափով ընտրակեղծիքներ կիրառել, ապա միանշանակ ՔՊ-ն չի անցնի, բայց չգիտենք, թե ինչ կանեն։ Այս ընտրությունները տեսանք, թե ինչ արեց։ Հիմա իրականում փաստացի ՀՀ-ում ընտրություն չկա, գոյություն չունի, ժողովրդին խաբում են, որ ցույց տան, թե ինչ լինում է՝ ձեր կամքով է լինում, որ ժողովուրդը չըմբոստանա։ Այս մասին լրագրողների հետ զրույցում ասաց Արտաշես սարկավագ Աջապահյանը՝ անդրադառնալով Գյումրիում նոր ընտրություններ անցկացնելու մասին իշխանությունների հայտարարություններին։
Ինչ վերաբերում է քահանաների՝ ՀՀ սահմանը հատելը սահմանափակելը՝ վարժական հավաքներին մասնակցության համար, Արտաշես սարկավագը նշեց, որ այն, ինչ անում են՝ պարզապես փոքրոգի վրեժխնդրություն է, հոգևորականն առանց այն էլ ծառայության մեջ է, ծառայում է հայ ժողովրդին՝ թե ՀՀ-ում, թե ՀՀ-ից դուրս։
