«Ըստ էության, Նիկոլ Փաշինյանը հայտարարել է Երրորդ Հանրապետությունը կազմաքանդելու և Թուրքիայի ու Ադրբեջանի պահանջով ինչ-որ նոր միավոր ստեղծելու մասին։ Զուգահեռաբար հայտարարել է նաև Հայաստանի Հանրապետության տարածքից նոր տարածքներ Ադրբեջանին զիջելու և ուժի գործադրմամբ Սահմանադրություն փոխելու ճանապարհային քարտեզի մասին։
Այս ճանապարհին փորձում են ընդդիմադիր դաշտի բոլոր քաղաքական ուժերին տարբեր մեթոդներով՝ պիտակավորումներով, հոդվածներով, մեկուսացնել, ձերբակալել, ունեզրկել, վախի մթնոլորտ տարածել երկրում, որպեսզի կարողանան այս թշնամական ծրագիրը Հայաստանում իրականացնել։
Խորքում Հայաստանում հենց սա է տեղի ունենում։
Այսօրվա հայտարարությունը տեսա՞ք, որ Ադրբեջանի Լաչին քաղաքում Հայաստանի և Ադրբեջանի պաշտոնյաները հանդիպել են և էներգակիրների ու առևտրի հարցեր են քննարկել։ Այսինքն՝ երկիրը հանձնել են Թուրքիայի և Ադրբեջանի վերահսկողությանը, և այս ճանապարհին բոլոր խոչընդոտներին փորձելու են այսպես մեկուսացնել»,- այս մասին այսօր՝ օգոստոսի 25-ին, հայտարարեց ԱԺ «Հայաստան» խմբակցության պատգամավոր Իշխան Սաղաթելյանը։
Մանրամասն՝ տեսանյութում։
