Հուլիսի 28-ին կողոպուտի դեպք է տեղի ունեցել Երևանում։ Ժամը 01.30-ի սահմաններում օպերատիվ տեղեկություններ են ստացվել, որ մի քանի ժամ առաջ Հարավարևմտյան թաղամասում՝ Անդրանիկի փողոցի հասցեներից մեկում կողոպտել են «Իդրամ» ՍՊԸ–ի ինկասատորին։
Ինչպես հայտնում է ֆոտոլրագրող Գագիկ Շամշյնաը, ինկասատոր-վարորդ Լ․ Գ-ն դեպքի վայր ժամանած իրավապահներին հայտնել է, որ ինկասացիա կատարելու ժամանակ իրեն անծանոթ անձը բացել է ինկասացիոն «Skoda» մակնիշի ավտոմեքենայի հետևի դուռը և սրահից հափշտակել է 34 հատ դրամական կապոցներով լցված պայուսակը։
Ֆոտոլրագրողի տեղեկություններով, կողոպտիչը դիմել է փախուստի, իսկ Լ․ Գ․–ն հետապնդել է նրան, սակայն չի կարողացել բռնել, ընթացքում կողոպտիչի մոտից թափվել է 12 հատ դրամական կապոց։
Դեպքի փաստով փաստաթղթեր են կազմվել, կողոպտիչին հաջողվել է տանել խոշոր չափի գումար։
