Ֆրանսիայում Լուվրի կողոպուտի գործով ևս հինգ կասկածյալ է ձերբակալվել, հաղորդում է RTL ռադիոն։
«RTL դատական աղբյուրների համաձայն՝ Լուվրի կողոպուտի հետաքննության շրջանակներում ձերբակալվել է հինգ նոր կասկածյալ», — նշվում է հաղորդագրության մեջ։
Ռադիոկայանը հայտնել է, որ նրանք նախորդ երեկոյան միաժամանակ ձերբակալվել են Փարիզի տարբեր վայրերում։
Լուվրի աղմկահարույց կողոպուտը տեղի է ունեցել հոկտեմբերի 19-ին։ Հանցագործները Նապոլեոնի և կայսրուհի Ժոզեֆինայի հավաքածուից գողացել են ինը զարդ՝ թագեր, ականջօղեր, վզնոցներ և կրծքազարդեր, որոնք պատկանել են Ֆրանսիայի թագուհիներին և կայսրուհիներին։
Զարդերից մեկը՝ կայսրուհի Եվգենի դե Մոնտիժոյի վնասված թագը, հայտնաբերվել և վերադարձվել է թանգարան։ Վնասը գնահատվում է 88 միլիոն եվրո։
Գողության երկու կասկածյալ ձերբակալվել է մեկ շաբաթ անց. մեկը Շառլ դը Գոլի օդանավակայանում՝ Ալժիր թռչելու փորձի ժամանակ, մյուսը՝ Փարիզի շրջանում՝ Մալի փախչելու պլանավորմամբ։ Երկուսն էլ Ֆրանսիայի մայրաքաղաքի արվարձան Օբերվիլյեից են։ Նրանց արդեն մեղադրանք է առաջադրվել։
