Այսօր՝ մարտի 14-ին, ՀՀ Ներքին գործերի նախարար Արփինե Սարգսյանի հրամաններում կադրային փոփոխություններ և նշանակումներ են տեղի ունեցել ՀՀ ՆԳՆ ոստիկանության Պարեկային ծառայությունում։
Ինչպես հայտնում է ֆոտոլրագրող Գագիկ Շամշյանը, ՆԳ նախարարի հրամանով Անդրանիկ Խաչատրյանը նշանակվել է ՀՀ ՆԳՆ ոստիկանության Պարեկային ծառայության Երևան քաղաքի գնդի հրամանատար, ով Ա․ Սարգսյանի մեկ այլ հրամանով ազատվել է ՊԾ Երևան քաղաքի գնդի հրամանատարի տեղակալի պաշտոնից։
Ա․ Սարգսյանի մեկ այլ հրամանով Արսեն Ստեփանյանը նշանակվել է ՀՀ ՆԳՆ Ոստիկանության պարեկային ծառայության Երևան քաղաքի գնդի հրամանատարի ծառայության գծով տեղակալ, ով ՆԳ նախարարի մեկ այլ հրամանով ազատվել է ՀՀ ՆԳՆ ոստիկանության Պարեկային ծառայության Երևան քաղաքի գնդի 4-րդ գումարտակի հրամանատարի պաշտոնից։
ՆԳ նախարարի մեկ այլ հրամանով Դավիթ Նիկողոսյանը նշանակվել է ՀՀ ՆԳՆ ոստիկանության Պարեկային ծառայության Երևան քաղաքի գնդի 4-րդ գումարտակի հրամանատար, ով Ա․ Սարգսյանի մեկ այլ հրամանով ազատվել է ՊԾ Երևան քաղաքի գնդի 1-ին գումարտակի հրամանատարի տեղակալի պաշտոնից։ՆԳ նախարարի մեկ այլ հրամանով Լևոն Մանուկյանը նշանակվել է ՊԾ Երևան քաղաքի գնդի հրամանատարի տեղակալ, ազատվելով ՊԾ Երևան քաղաքի գնդի ծառայության գծով հրամանատարի տեղակալի պաշտոնից։
