«Մայր Հայաստան» դաշինքի անդամ, Երևանի ավագանու նախկին անդամ Սոնա Աղեկյանի ֆեյսբուքյան գրառումը․

«Երևանցիներից կթում են ռեկորդային տուրքեր, բայց քաղաքը մնում է փոշու ու ջրհեղեղների տակ։

2024-ին Երևանի տեղական տուրքերի դրույքաչափերի կտրուկ բարձրացումը բերել է աննախադեպ եկամուտների․ հարկերի և տուրքերի ընդհանուր ծավալի՝ 41.7%-ը կազմել են հենց տեղական տուրքերը (2023-ին՝ ընդամենը 17.1%)։ Սա նշանակում է, որ դրանց գանձումը գերակատարվել է 68.7%-ով։

Սակայն, այդ գումարների ծախսման արդյունքը երևանցիների առօրյայում զգացվում է այնքանով, որ միայնակ թոշակառուն վճարում է նույնքան աղբի վճար ու գույքահարկ, որքան նույն քմ-ում ապրող բազմանդամ ընտանիքը, իսկ քաղաքը շարունակում է մնալ փոշու ու աղբի մեջ, առողջ ու սաղարթախիտ ծառերը վերացել են, իսկ անձրևներից հետո Երևանը վերածվում է օվկիանոսի, դեռ չեմ խոսում փոսերի ու միշտ գերբեռնված երթևեկության մասին․․․

Երևանցիները վճարում են բազմակի անգամ թանկացված հարկեր ու տուրքեր, բայց փոխարենը ստանում են վատթարացող քաղաքային միջավայր, ոչ թե բարելավված ենթակառուցվածքներ։ Սա ևս մեկ և ավելորդ անգամ փաստում է ոչ միայն քաղաքային իշխանության անարդյունավետության, այլ նաև քաղաքային բյուջեի մսխման մասին՝ ամեն օր ականատեսն ենք իշխանավորների մի նոր շքեղ առանձնատան կառուցման․․․»։