«Յուրաքանչյուր ընտրություն, սիրելի հայրենակիցներ, դա առաջին հերթին հաշվետվություն է կատարած աշխատանքների համար և նոր ծրագրերի ներկայացում՝ ապագայի համար: Քանի որ այս իշխանությունը տապալել է ամեն ինչ, հաշվետու լինել չի կարող, որովհետև առարկա չկա հաշվետու լինելու համար:

Իրենք այս քարոզարշավը և այս ընտրությունը փորձել են վերածել հետևյալի՝ Հայաստանի այս փոքր տարածքը դարձնել աշխարհաքաղաքական կենտրոնների բախման կետ, ինչը հեչ լավ տեղ չի և վտանգավոր տեղ է փոքր պետությունների համար:

Այս տեսանկյունից ընտրությունները իսկապես բավական տարօրինակ են, երբ իշխող կուսակցությունը, իշխող թիմը ընդհանրապես չի խոսում կատարած աշխատանքների մասին: Եթե խոսա, պիտի խոսա, թե ինչպես է պարտվել պատերազմում, ինչպես է հրահրել պատերազմը և ով է մեղավոր 5000 զոհերի համար, 12000 վիրավորների համար, կորցրած տարածքների համար, կորցրած Արցախի համար և 150 000 փախստականների համար:

Դրան գումարեք առնվազն 80 միլիարդ դոլարի վնաս, որը հասցվել է հայ ժողովրդին, հայությանը: Բոլորդ գիտեք՝ ով է մեղավոր»,- այս մասին այսօր՝ հունիսի 5-ին, «Հայաստան» դաշինքի անդամների և աջակիցների ամփոփիչ հանդիպմանը հայտարարեց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը:

Մանրամասն՝ տեսանյութում։