Կառավարությունն ու հարող շրջանակները հաճախ եկեղեցականներին մեղադրում են այլ երկրների գործակալ լինելու մեջ, մեղադրում են մասնավորապես Ռուսաստանի գործակալ լինելու մեջ, КГБ –ի աշխատող լինելու մեջ։ Այս մասին հայտարարեց Տեր Հայկազուն քահանա Սահակյանը։
«Բոլոր նման մեղադրանքերը, ըստ էության, բանականություն ունեցող մարդու համար սին են. մեղադրանքը եթե կա ու նման հանցանքն առկա է, ուրեմն վաղուց համապատասխան մարմինները պետք է ձեռնարկած լինեին համապատասխան գործընթացը, այդ մարդկանց դատապարտած լինեին իրավական բոլոր նորմերի համաձայն։ Իսկ քանի որ նման լուրերը պտտվում են որպես դեղին մամուլի, բամբասանքի մակարդակով, ուրեմն պետք է արձանագրենք, որ 7 տարվա ընթացքում ոչ մի նման լուր ոչ մի հաստատում չունեցավ։ Ուրեմն սրանով արդեն իսկ բանական մարդը պետք է հասկանա, որ այս բամբասնքներին որևէ տեղ տալու իմաստ չկա։
Եկեղեցին հետապնդում է հայ ժողովրդի ու պետականության շահը»։
