«Ունենք Վրաստանի թարմ օրինակը, երբ վրացի ընդդիմադիրները երկար ժամանակ չէին վերցնում մանդատները և եվրոպական տարբեր միջանցքներում փորձում էին ապացուցել, որ իրենք են օրինական իշխանությունը, թեև ընտրություններում հաղթել էր «Վրացական երազանքը»։ Բայց տեսանք, որ նրանք արդյունքի չհասան։ Իսկ վերջերս, երբ Երևանում տեղի ունեցավ Եվրոպական քաղաքական համայնքի գագաթնաժողովը, տեսանք, որ Վրաստանի վարչապետը, ում այդքան քննադատում էին Արևմուտքից, կանգնած էր նույն շարքում։ Խորհրդարանը քաղաքական զենք է, որը չի կարելի չօգտագործել. օրենքով նախատեսված բոլոր հնարավոր տարբերակները պետք է կիրառվեն։ Խորհրդարանը թիվ մեկ ամբիոնն է, որտեղ պետք է բարձրաձայնել իշխանությունների բոլոր բացթողումները և ներկայացնել այլընտրանքային լուծումներ։ Չի՛ կարելի հրաժարվել այդ կարևորագույն լծակից»,- այս մասին նշեց «Հայաստան» խմբակցության պատգամավոր Արթուր Խաչատրյանը։
Մանրամասն՝ տեսանյութում։
