Ինչ ասել ենք մեկ տարի առաջ, հիմա նույնպես կրկնում եմ՝ TRIPP-ը չի լուծում Հայաստանի ապաշրջափակման հարցը։ Այս մասին այսօր՝ օգոստոսի 10-ին, լրագրողների հետ զրույցում հայտարարեց «Հայաստան» խմբակցության պատգամավոր Արթուր Խաչատրյանը։
«Ստեղծվում է պանթուրանական միջանցք՝ Բոսֆորից մինչև Չինաստանի արևմուտք, իսկ Հայաստանին հարավին հնարավորություն չի տրվում Նախիջևանով միանալ Հայաստանի կենտրոնին։
Եվ եթե այս իշխանությունները մտածեին Հայաստանի ապաշրջափակման մասին, ապա TRIPP-ը կընդլայներ առնվազն Սադարակի–Երասխ և հետո արդեն վերև և արևմուտք, և նաև հյուսիսային հատվածը՝ Իջևան–Ղազախ ճանապարհը։ Այսինքն՝ պետք է լիներ փաթեթային լուծում, որով կկարգավորվեր Հայաստանի Հանրապետության ամբողջական ապաշրջափակման խնդիրը։
Կրկնում եմ՝ TRIPP-ը այդ հարցը չի կարգավորում։ Նաև մեզ համար դեռևս հարցականի տակ է Հայաստանի ինքնիշխանությունը։ Գիտեք՝ այս «back office», «front office», ինչի՞ ենք մենք այդ հատվածի վրա ինչ-որ լրացուցիչ կարգավորումներ բերում։ Այսինքն՝ ինչո՞ւ Բագրատաշենում և Բավրայում չկա «front office», իսկ TRIPP-ում հանկարծ կա։ Սա բազմաթիվ հարցեր է առաջացնում»,- նշեց նա։
Մանրամասն՝ տեսանյութում։
