ԱՄՆ նախագահ Դոնալդ Թրամփը հայտարարել է, որ իր հատուկ բանագնաց է ընտրել Սթիվեն Ուիթքոֆին, քանի որ նա ունի այնպիսի որակներ, որոնք թույլ են տալիս խաղաղության համաձայնագրեր կնքել՝ առանց երրորդ համաշխարհային պատերազմ հրահրելու։
«Սթիվը մեծագույն բանակցող է։ Ես նկատել եմ, որ նա մեծագույն անհատականություն է։ Նա անշարժ գույքի մասնագետ էր Նյու Յորքում և քիչ բան գիտեր Ռուսաստանի գետերի, սահմանների և այլ վայրերի մասին, որտեղ նա (որպես հատուկ բանագնաց – խմբ․) ստիպված էր աշխատել», — ասել է Թրամփը Սպիտակ տանը հրեական Խանուկայի տոնի առթիվ կազմակերպված ընդունելության ժամանակ։
«Սակայն Նյու Յորքում 20 տարվա գործարար գործունեության ընթացքում ես հասկացել եմ, որ Սթիվը ունի լավագույն բնավորությունը։ Ես ճանաչում եմ նաև այլ մեծ բանակցողների, բայց նրանց հետ պետք է Երրորդ համաշխարհային պատերազմ սկսեիք, նախքան գործարք կնքելը, իսկ մենք դա չէինք ուզում»։
