Առողջապահության նախարար Անահիտ Ավանեսյանը կառավարության այսօրվա նիստից հետո լրագրողների հետ զրույցում՝ անդրադառնալով Ազգային ժողովում անհետ կորած զինծառայողների ծնողների հետ օրերս տեղի ունեցած հանդիպմանը, և ծնողների ու պատգամավոր Գեղամ Նազարյանի միջև տեղի ունեցած միջադեպին, Ավանեսյանն ասաց, որ քննարկման մթնոլորտը հուզիչ էր։
«Ես կարծում եմ, որ պարոն Նազարյանն իրավունք ուներ արտահայտելու իր տեսակետը՝ հասկանալով, որ նրա որդին ևս զոհվել է։ Բայց, հասկանալով նաև մեր էմոցիոնալ ու զգայուն վիճակը այս թեմաներով, այո, կարող է նրա կողմից հնչեցված ձևակերպումները վիրավորական հնչեցին այլ ծնողների համար։ Բայց բոլորս էլ պետք է զսպվածություն դրսևորենք՝ այս թեման չբորբոքելու համար»,- նշեց նա։
Անդրադառնալով հարցին, թե ինչպե՞ս կարձագանքի անհետ կորածների ծնողների գնահատականին, ովքեր հանդիպումից հետո ասացին, որ իշխանության կողմից փնթի աշխատանք է կատարվում, Ավանեսյանը պատասխանեց․ «Ոչինչ չեմ ասի»։
Մանրամասն՝ տեսանյութում։
