Գեղարքունիքի մարզի Վարսեր գյուղի 19-ամյա բնակիչը ապօրինի ձեռք է բերել և իրացրել թմրանյութ: Հայտնում են ՀՀ ՆԳՆ ոստիկանությունից:
Վարսեր գյուղից միջպետական ավտոճանապարհ տանող հատվածում, երիտասարդը ձերբակալվել ու տեղափոխվել է ոստիկանության Սևանի բաժին:
Ըստ երիտասարդի` մարիխուանայով փաթեթները նա վերցրել է Ծաղկունք գյուղի տարածքում` տեղադրելու միջոցով դրանք իրացնելու նպատակով:
Ոստիկանների տեղեկության համաձայն` 19-ամյա երիտասարդը մինչ ձերբակալվելը ձեռք բերած փաթեթների մի մասն արդեն տեղադրել էր:
Նախաձեռնված քրեական վարույթի շրջանակում կատարված զննությամբ հայտնաբերվել են արդեն տեղադրված ութ փաթեթները` ընդհանուր մոտ 18 գրամ դեղնականաչավուն զանգվածով:
Նախաքննությամբ հանգամանքները պարզվում են:
